Douglas Mawson

Douglas Mawson OBE, FRS, FAA (Shipley, Yorkshire, Ingalaterra, 1882ko maiatzaren 5a - Brighton, Hego Australia, 1958ko urriaren 14a) geologo eta ingeles jatorriko Antartikako australiar esploratzaile ezaguna izan zen. Roald Amundsen, Robert Falcon Scott eta Ernest Shackleton bezala, Mawsonek espedizio garrantzitsu bat agindu zuen Antartikako esplorazio garai heroikoan. Jasotako sarien artean, azpimarratzekoak dira Sir-ekoa eta Britainiar Inperioaren Ordenakoa; "Australian Academy of Science-ko" eta Royal Society-ko kide izan zen.

Douglas Mawson
Irudi gehiago
Bizitza
Jaiotza	Shipley (Mendebaldeko Yorkshire), 1882ko maiatzaren 5a
Herrialdea	Erresuma Batua Australia Britainia Handia eta Irlandako Erresuma Batua  1927ko apirilaren 12a)
Heriotza	Brighton (en) , 1958ko urriaren 14a (76 urte)
Hobiratze lekua	St Jude's Cemetery (en)
Familia
Ezkontidea(k)	Francisca Adriana Mawson (en)
Seme-alabak	ikusi Patricia M. Mawson (en)
Hezkuntza
Heziketa	Sydneyko Unibertsitatea
Hezkuntza-maila	Zientziatan graduatua zientzietan doktorea
Tesi zuzendaria	Edgeworth David
Hizkuntzak	ingelesa
Jarduerak
Jarduerak	esploratzailea, geologoa eta film-zuzendaria
Parte-hartzailea Australasian Antarctic Expedition (en) Nimrod espedizioa
Enplegatzailea(k)	Adelaideko Unibertsitatea
Jasotako sariak	ikusi Royal Societyko kidea Britainiar Inperioko Ordenaren ofiziala Founder’s Medal  (1915) Bigsby Medal  (1919) Clarke Medal  (1936) Mueller Medal  (1930) David Livingstone Centenary Medal  (1916) Fellow of the Australian Academy of Science  (1953) Silver Wolf Award Knight Bachelor Honorary Fellow of the Royal Society Te Apārangi
Kidetza	Royal Society Australian Academy of Science (en)

Biografia

Shipley-n (Yorkshire, Ingalaterra) jaio zen eta Robert Ellis Mawson-en, jantzi merkatariaren, eta Margaret Annquan-en bigarren semea izan zen. Bi urte zituenean (1884) familia Rooty Hill-era joan zen, Sydney-tik gertu (Australia). Sydneyko "Fort Street Model School" eskolan ikasi zuen eta, geroago, Sydneyko Unibertsitatean, 1899tik 1902ra bitartean, meatzaritza ingeniaritzan lizentziatuz.

1907an, Mawson geologo gisa parte hartu zuen Ernest Shackleton-ek zuzendutako Antartikako espedizio britainiarrean. Bere aholkulariarekin eta lagunarekin, Edgeworth David geologoarkin ere, Erebus mendiaren lehenengo igoeran parte hartu zuen. Geroago, Hego polo magnetikora iritsi zen lehen taldeko kide izan zen, lidergoa hartuz oso itzulera arriskutsuan.

Mawsonrek bere espedizioa zuzentzea erabaki zuen, australiar espedizioa Antartikara, Jurgi V.aren Lurrera eta Adelia Lurrera zuzendu zuen, Australiako hegoaldean dagoen Antartikako zati batean, garai hartan guztiz esploratu gabe zegoena. Azterketa geografikoa eta hainbat ikerketa zientifiko egin zituzten, eta hego polo magnetikoa bisitatzea ere bai.

Aintzatespenak

Bere omenez, esploratzen ibili zen Antartikako kostaldeen aurrean dagoen itsasoak gaur egun bere izena hartzen du, Mawson itsasoa, kostaldeko beste zati bat bezala, Mawson itsasertza, Lankidetzaren Itsasoak bainatuta. Gainera, Antartikako basetako bat, Mac. Robertsonen Lurrean dagoen Australiako base iraunkorrak ere bere izena du, Mawson basea.

Kanpo loturak

• Douglas Mawson, Antartikan
• Hurley, Frank Bilduma Argazki Grabatuak. Mawsonen espedizioaren irudiak (1911-14) (Liburutegi Nazionala, Australia, Canberra)
• [1] National Archives Australia

• Datuak: Q434281
• Multimedia: Douglas Mawson / Q434281