Euskal Herriko Bertsozale Elkartea

Euskal Herriko Bertsozale Elkartea (EHBE) bertsolaritza babesteko eta sustatzeko asmoz 1987an sorturiko elkarte kulturala da^[1]. Egoitza Amasa-Villabonan du, Subijana etxean, zehazki^[2]^[3].

EHBEk antolaturiko 2009ko Bertsolari Txapelketa Nagusia.

Lurraldeetan ere badira elkarteak: Arabako Bertsozale Elkartea, Bertsularien Lagunak elkartea – Baxenabarre, Lapurdi eta Zuberoa eremu dituena -, Bizkaiko Bertsozale Elkartea, Gipuzkoako Bertsozale Elkartea eta Nafarroako Bertsozale Elkartea. Egun, 2.500 bazkide inguru ditu. Hiru lan ildotan egiten du lan Bertsozale Elkarteak: belaunaldiz belaunaldiko transmisioan, bertsotarako plazen sustapenean eta hedapenean, eta bertsolaritzaren ikerketan.^[4] Proiektuen artean entzutetsuena Bertsolari Txapelketa Nagusia da egun.

Aipatutako herrialdeetako elkarteez gainera, bere ekosistema osatzen dute Xenpelar Dokumentazio Zentroak, Mintzola Ahozko Lantegiak eta Lanku Kultur Zerbitzuek.

Erreferentziak

Kanpo estekak

Datuak: Q526522

Artikulu hau kulturari buruzko zirriborroa da. Wikipedia lagun dezakezu edukia osatuz.

[1] Iñaki Murua, "Euskal Herriko Bertsozale Elkartearen apustu nagusiak"

[2] www.eke.org: Euskal Herriko Bertsozale elkartea

[3] Diario Vasco: La nueva sede de Euskal Herriko Bertsozale Elkartea se inaugura hoy

[4] www.bertsozale.eus: Bertsozale Elkartea

[1]

[2]

[3]

[4]