Igor Sikorski

Igor Ivan Sikorski (Kiev, Ukraina, 1889ko maiatzaren 25a - Easton, Ameriketako Estatu Batuak, 1972ko urriaren 26a) estatubatuar ingeniaria izan zen, Ukrainan sortua.

Igor Sikorski
Irudi gehiago
Bizitza
Jaiotza	Kiev, 1889ko maiatzaren 25a (juliotar egutegia)
Herrialdea	Ameriketako Estatu Batuak Errusiar Inperioa
Talde etnikoa	Estatubatuarra ukrainarra errusiarra
Heriotza	Easton, 1972ko urriaren 26a (83 urte)
Hobiratze lekua	Saint John the Baptist Orthodox Cemetery (en)
Familia
Aita	Ivan Sikorski
Hezkuntza
Heziketa	Kyiv Polytechnic Institute of Emperor Alexander II (en) 1911) Naval Cadet Corps (en) Igor Sikorsky Kyiv Polytechnic Institute (en) Q4348927
Hizkuntzak	errusiera ingelesa
Ikaslea(k)	ikusi Nikolai Polikarpov (en)
Jarduerak
Jarduerak	military flight engineer (en) , asmatzailea, hegazkinlaria eta enpresaburua
Enplegatzailea(k)	Rhode Islandeko Unibertsitatea University of Bridgeport (en) Sikorsky Aircraft
Jasotako sariak	ikusi Daniel Guggenheim Medal John Fritz Medal  (1968) ASME Medal  (1963) Howard N. Potts Medal  (1933) Zientzia Domina Nazionala  (1967) Order of St. Vladimir, 4th class National Aviation Hall of Fame  (1968) National Inventors Hall of Fame  (1987) FAI Gold Air Medal  (1946) John Scott Award  (1954) James Watt International Medal  (1955) Edward Warner Award Order of St. Vladimir
Sinesmenak eta ideologia
Erlijioa	Errusiar Eliza Ortodoxoa

Bizitza

San Petersburgoko Itsas Akademian eta Kieveko Teknologia Institutuan ikasi zuen. 1913an urrats handia egin zuen aeronautikaren historian, lau motorreko lehen hegazkina asmatu eta pilotatu baitzuen; hegazkin hura bonbak botatzeko erabili zuen Errusiako armadak Lehen Mundu Gerran.

1917ko Iraultza hastean, Sikorskik sorterritik alde egin zuen Frantziara, Ingalaterrara eta, azkenik, Estatu Batuetara (1919). 1923an hegazkin-ingeniaritzako enpresa bat sortu zuen (Sikorsky Aero Engineering Corporation). 1929an Estatu Batuetako herritar egin zen. Urte hartan bertan United Aircraft Corporation konpainiarekin batu zuen bere enpresa.

1935ean Pan-Americaneko lehen clipperra (ozeanoarteko garraio-hegazkina) egin zuen. Gero, hegazkin handiak egin zituen, eta 1939an lehen helikoptero erabilgarria. Bereziki salbamendu lanetan eta, bigarren mailan, industrian eta garraioan erabiltzeko asmatua zen hegazkin mota hura, baina handik gutxira gerrarako erabili zen. Sikorski aeronautikaren historiako ingeniari handietakoa da.

Erreferentziak

Wikimedia Commonsen badira fitxategi gehiago, gai hau dutenak: Igor Sikorski

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q212446
• Multimedia: Igor Sikorsky / Q212446