Lot eta Garona

Lot eta Garona (47)
	Frantziako departamendua
Administrazioa
Estatua	Frantzia
Eskualdea	Akitania Berria
Prefetura	Agen
Prefeta	Sophie Borderie; (PSF)
Azpiprefeturak	Marmande; Nérac; Villeneuve-sur-Lot
Barrutiak	4
Kantonamenduak	40
Udalerriak	319
Kokapena
Koordenatuak	44°20′N 0°30′E / 44.33°N 0.5°E
Azalera	5.361 km²
Demografia
Biztanleria	331229
Dentsitatea	61.784,92818504 bizt/km²
	Kontseilu Orokorraren webgunea

Lot eta Garona^[1] (okzitanieraz: Òlt e Garona, ɔt e ɡarɔno ahoskatua; frantsesez: Lot-et-Garonne, lɔt‿e ɡaʁɔn ahoskatua) Frantziako 47. departamendua da, Akitania Berria eskualdean. Okzitaniako lurraldea ere bada.

Historia

Lot eta Garona 1790eko martxoaren 4an sorturiko jatorrizko laurogeita hiru departamenduetako bat izan zen. Bere barnean Guiena eta Gaskoinia eskualde historikoen zenbait lurralde zituen, batez ere antzinako Agenais konderria.

Geografia

Lot-et-Garonne egun Akitania Berria eskualdean dago. Mugakide hauek ditu: Lot, Tarn eta Garona, Gers, Landak, Gironda eta Dordoina. Lot eta Garona ibaiek zeharkatzen dute departamendua, hortik izena.

Iparraldean kareharrizko muinoak ditu. Lot eta Garona ibaien artean, haran askok osaturiko ordoki bat dago. Mendebaldean, Landetako basoa dago, batik bat itsas pinuz biltzen dituena. Basoa eta Agen artean, muinoz beteriko Albret eskualdea dago.

Demografia

Bilakaera demografikoa (erroldatutako biztanleria)
1801	1831	1841	1851	1856	1861	1866
298 940	346 885	347 073	346 260	341 345	340 041	332 065
1872	1876	1881	1886	1891	1896	1901
319 289	316 920	312 081	307 437	295 360	286 377	278 740
1906	1911	1921	1926	1931	1936	1946
274 610	268 083	239 972	246 609	247 500	252 761	265 449
1954	1962	1968	1975	1982	1990	1999
265 549	275 028	290 592	292 616	298 522	305 989	305 380

Oharra: 1808ko azaroaren 4an Tarn eta Garona departamendua sortu zenean, Lot eta Garonak honako kantonamenduak utzi zizkion: Auvillar, Montaigu-de-Quercy eta Valence.

1999ko erroldaren arabera, hona hemen departamenduko hiri nagusiak:

Agen: 30 170 biztanle; 69 488 aglomerazioan.
Villeneuve-sur-Lot: 22.782 biztanle; 41 953 aglomerazioan.
Marmande: 16 770 biztanle; 23 727 aglomerazioan.

Ekonomia

Ekonomia jarduera nagusiak nekazaritza (garia, artoa, bazkarako landareak, tabakoa, fruitu arbolak, ardi eta behi azienda) eta industria (janari industria, tabakogintza, metalurgia txikiak, mekanika, zurgintza, larrugintza) dira.^[2]