Orient-Expresseko Hilketa

Orient-Expresseko hilketa (Murder on the Orient Express, ingelesez) Agatha Christiek idatzitako eleberria da. 1934an argitaratu zen Erresuma Batuan.

Orient-Expresseko hilketa
Datuak
Idazlea	Agatha Christie
Argitaratze-data	1934
Generoa	Eleberria
Jatorrizko izenburua	Murder on the Orient Express
Hizkuntza	ingelesa
Argitaletxea	Collins Crime Club
Herrialdea	Erresuma Batua
Euskaraz
Izenburua	Orient-Expresseko hilketa
Itzultzailea	Ainhoa Eder Zabala
Argitaratze-data	2004
Orrialdeak	343
ISBN	978-84-8748-4582

Argumentua

Orient-Expresseko bagoi batean, trena elur bisutsak Jugoslavian geldiarazita dagoela, gizon amerikar baten gorpua agertzen da, hamabi sastadaz hila. Ezinezkoa da hiltzailea kanpotik etorri izana. Bagoi berean bidaiatzen dutenak dira susmagarriak.

Pertsonaiak

Hildakoa

• Samuel Ratchett edo Cassetti: aberats amerikarra; mehatxuak jaso ditu eta Poirot kontratatu nahi du bera babesteko. Daisy Armstrongen hiltzailea izana zen.

Armstrong kasukoak

• Daisy Armstrong: Hiru urteko neskatxa, Cassetik bahitu eta hil zuena.
• Sonia Armstrong: Daisyren ama; haurdun zegoen eta, traumagatik, umekia galdu zuen eta hil zen.
• John Armstrong koronela: Daisyren aita eta Soniaren senarra; bere burua hil zuen.
• Sussanne: Daisyren haurtzaina; hilketaren susmagarritzat hartu zuten eta, nahiz eta errugabea izan, bere burua hil zuen.

Ikertzaileak

• Hercule Poirot: trenean bidaiatzen duen detektibe belgikarra.
• Bouc jauna: trenaren jabea den Compagnie Internationale des Wagons-Lits enpresaren zuzendaria eta Poiroten laguna; trenean bidaiatzen du.
• Constantine doktorea: trenean bidaiatzen duen mediku greziarra; berak aztertuko du Cassettiren gorpua.

Susmagarriak

• Hector Willard MacQueen: Cassettiren idazkaria; Armstrong kasua ikertu zuen fiskalaren semea; Sonia Armstrong maite izan zuen.
• Edward Henry Masterman: Cassettiren gelazaina; Armstrong koronelaren ordenantza izan zen gerra-garaian eta gero haren etxeko zerbitzaria.
• John Arbuthnot koronela: Armstrong koronelaren lagunik onena.
• Caroline Martha Hubbard: atso amerikarra; egiatan, Linda Arden antzezle famatua eta Sonia Armstrongen ama.
• Helena Andrenyi kondesa: Andrenyi kondearen emaztea eta Sonia Armstrongen ahizpa.
• Ruldoph Andrenyi kondea: Helena Andrenyiren senarra.
• Natalia Dragomiroff printzesa: Sonia Armstrongen amabitxia eta Linda Ardenen laguna.
• Mary Debenham: irakasle ingelesa; Sonia Armstrongen idazkaria eta Soniaren ahizparen irakaslea.
• Hildegarde Schmidt: Dragomiroff printzesaren gelari alemana eta Armstrong familiaren sukaldaria.
• Antonio Foscarelli: italo-amerikar saltzailea eta Armstrong familiaren auto-gidaria.
• Greta Ohlsson: misiolari suediarra eta Daisy Armstrongen beste haurtzaina.
• Cyrus Hardman: detektibe amerikarra; Sussanne haurtzainaren maitalea.
• Pierre Michel: bagoiaren antolatzailea; Sussanne haurtzainaren aita.

Zinema

• Orient-Expresseko Hilketa (1974, Sidney Lumet)
• Orient-Expresseko Hilketa (2017, Kenneth Branagh)

Kanpo estekak

• Datuak: Q845889
• Multimedia: Murder on the Orient Express / Q845889