Orlando di Lasso

Orlando di Lasso
	; Irudi gehiago
San Joan Laterangoako kapera-maisu	; 1553 -
San Joan Laterangoako kapera-maisu
Bizitza
Jaiotza	Mons, 1532
Herrialdea	Habsburg Netherlands
Heriotza	Munich, 1594ko ekainaren 14a (61/62 urte)
Familia
Seme-alabak	ikusi Regina di Lasso (en) ; Ferdinando di Lasso (en) ; Rudolph di Lasso (en) ;
Hezkuntza
Hizkuntzak	Flandriera; gaztelania; frantses ertaina; alemana; latina; nederlandera; frantsesa
Irakaslea(k)	Hoste da Reggio (en)
Ikaslea(k)	ikusi Andrea Gabrieli; Giovanni Gabrieli; Francisco Leontaritis (en) ;
Jarduerak
Jarduerak	musikagilea eta kapera-maisua
Lan nabarmenak	ikusi Lagrime di San Pietro (en) ;
Jasotako sariak	ikusi Order of the Golden Spur ;
Genero artistikoa	moteta; polifonia; Pizkundeko musika

Orlando di Lasso (jaiotza-izena: Roland de Lassus) flandestar musikagilea izan zen (Mons, Hainaut, c. 1532 – Munich, 1594ko ekainaren 14a). Europako Berpizkundeko musikari gorenetako bat izan zen. Haurretan nabarmendu zen kantari gisa; koru guztiek nahi zuten beren koruko kantari izan zedin eta hiru aldiz bahitu zuten hori zela eta.

1544an Fernando de Gonzaga Karlos V.a enperadorearen zerbitzuko jeneralak eraman zuen Italiara eta hamar urtez egon zen han, aita santuaren kapera-maisu gisa, Palestrina musikagile ospetsuaren ondoan. 1555ean Anberes aldera jo zuen eta Bavariako dukearen kapera-maisu izendatu zuten ondoko urtean. Munichen bizi izan zen hil arte.

Bi mila musika piezatik gora ondu zituen Lassusek: italiar erako madrigalak zituzten bost liburu argitaratu ziren Venezian 1604an eta 516 motetez osatutako bilduma oparoa plazaratu zuten bere semeek Magnum Opus Musicum izenez. Lieder germaniar kantu-bilduma bat (zazpi sail osotara) ere idatzi zuen, eta salmo sail ederra, bere obra onena agian (1584, Psalmi Davidis Poenitentiales). Orlando di Lassus erlijio-musikari bikaina izan zen; italiar, frantses eta germaniar moldeko erlijio-kantuak ondu zituen, eta haren eragina bizi-bizirik egon zen Europako musikarien artean, barroko estiloa XVII. mendean guztiz nagusitu zen arte.

Erreferentziak

Wikimedia Commonsen badira fitxategi gehiago, gai hau dutenak: Orlando di Lasso

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q154792
Multimedia: Orlande de Lassus / Q154792