Rajiv Gandhi

Rajiv Gandhi
	; (1987) Irudi gehiago
Leader of the Opposition (en)
Member of the 9th Lok Sabha (en)
; Kanpo Arazoetako ministro
President of the Indian National Congress (en)
; Kanpo Arazoetako ministro
; Indiako lehen ministro
member of the Lok Sabha (en)
Member of the 7th Lok Sabha (en)
Member of the 8th Lok Sabha (en)
Bizitza
Jaiotza	Mumbai, 1944ko abuztuaren 20a
Herrialdea	Britainiar Raj 1947ko abuztuaren 14a); Indiako Agindupeko Lurra (1947ko abuztuaren 15a - 1950eko urtarrilaren 26a); India (1950eko urtarrilaren 26a -
Heriotza	Sriperumbudur (en) , 1991ko maiatzaren 21a (46 urte)
Hobiratze lekua	Raj Ghat and associated memorials (en)
Heriotza modua	giza hilketa: leherketa
Hiltzailea	Thenmozhi Rajaratnam (en)
Familia
Aita	Feroze Gandhi
Ama	Indira Gandhi
Ezkontidea(k)	Sonia Gandhi (1969 - 1991)
Seme-alabak	ikusi Rahul Gandhi (en) ; Priyanka Vadra (en) ;
Haurrideak	ikusi Sanjay Gandhi (en) ;
Familia	ikusi Nehru–Gandhi family (en) ();
Leinua	Nehru–Gandhi family (en)
Hezkuntza
Heziketa	Trinity College ; Cambridgeko Unibertsitatea ; The Doon School (en) ; Londresko Imperial College ; Welham Boys' School (en)
Hizkuntzak	hindia
Jarduerak
Jarduerak	politikaria eta amateur radio operator (en)
Jasotako sariak	ikusi Augusto César Sandinoren ordena ; Indira Gandhi Peace Prize (1991) ; Bharat Ratna saria (1991) ;
Sinesmenak eta ideologia
Erlijioa	hinduismoa
Alderdi politikoa	Indiako Kongresu Nazionala

Rajiv Ratna Gandhi (hindiz: राजीव गाँधी; Bombay, Britainiar India, 1944ko abuztuaren 20a – Sriperumbudur, Tamil Nadu, India, 1991ko maiatzaren 21a) indiar politikaria izan zen. Indiako estatu burujabea sortu zenean Lehen Ministro izandako Jawaharlal Nehruren iloba da, eta haren ondorengo Indira Gandhi Lehen Ministroaren semea. Rajiv Gandhik Indian egin zituen hasierako ikasketak, eta Cambridgeko Unibertsitatean eta Londresko Imperial Collegen osatu zituen. Gaztetan ez zuen erakutsi politikako arazoekiko halako kezkarik, eta hegazkintzan hasi zen lanean. Amaren ondorengotzarako prestatzen ari zen Sanjay anaia gaztea hil zitzaiolarik, ordea, bere lanbidea utzi eta haren lekua bete zuen 1980an Rajivek, amaren nahiari jaramon eginez. Denbora gutxian amaren aholkulari eta politikari ospetsu bihurtu zen, eta 1983. urtean Kongresuaren I Alderdiko lau idazkari karguetatik bat betetzeko izendatu zuen amak. 1984. urterako Indiako politikaririk ospetsuenaren maila iritsi zuen, bere amaren ondoren. Urte hartan ama hil zuten atentatu batean, eta alderdiko buruek Rajiv hautatu zuten Lehen Ministro eta Kongresuaren I Alderdiko lehendakari. Indiako hauteskundeetan garaipena lortu ondoren, demografia kontrolatzen, heziketan eta gizartean hainbat berrikuntza egiten eta etnien arteko liskarrak baretzen saiatu zen, baina ez zuen halakorik lortu; bestalde, kanpo politika kaskarra eraman zuen aurrera (Indiak hainbat liskar izan zituen inguruko herrialdeekin) eta ustelkeria salaketei aurre egin behar izan zien. Horrela, 1989ko hauteskundeetan irabazle atera zen, baina ez zuen gehiengorik lortu, eta Gandhik bertan behera utzi zuen lehendakari kargua. 1991n berriro aurkeztu zen hauteskundeetara, baina kanpainako mitin bat ematen ari zela hil zuten gerrilla tamileko kideek.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2018/10/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Rajiv Gandhi

Datuak: Q4593
Multimedia: Rajiv Gandhi / Q4593