Trisha Brown

Trisha Brown
Bizitza
Jaiotza	Aberdeen, 1936ko azaroaren 25a
Herrialdea	Ameriketako Estatu Batuak
Lehen hizkuntza	ingelesa
Heriotza	San Antonio, 2017ko martxoaren 18a (80 urte)
Hezkuntza
Heziketa	Mills College at Northeastern (en) ; Bates College (en)
Hizkuntzak	ingelesa
Jarduerak
Jarduerak	aktorea, koreografoa, dantzaria, antzerki zuzendaria, videographer (en) , performancelaria eta artista
	Parte-hartzailea documenta 12 (en) ;
Jasotako sariak	ikusi John Simon Guggenheim Memorial Foundation beka ; Bessie Award ; MacArthur Fellows Program (1991ko uztaila) ; Laurence Olivier Award for Outstanding Achievement in Dance (1987) ; Capezio Dance Award (2010) ; National Medal of Arts (2002) ; Arte eta letren komendadorea ;
Kidetza	Arteen eta Zientzien Ameriketako Estatu Batuetako Akademia
	trishabrowncompany.org

Trisha Brown (Aberdeen, Washington, 1936ko azaroaren 25a - San Antonio, Texas, 2017ko martxoaren 18a) estatubatuar dantzaria eta koreografoa izan zen. Post-Modern Dance taldeko dantzari nagusi izan zen. Lehenbizi, Martha Grahamen teknikan hasi zen, baina geroago José Limónen eta Merce Cunninghamen estiloetara hurbildu zen. Ikasketak amaitu zituenean, koreografia-sail bat sortu zuen Reed Unibertsitatean, eta inprobisazioari ekin zion. New Yorkeko Judson Memorial Churchen Trillium (1962) egin zuen. Accumulation (1971) lanak bost minutu eta erdiko musika zuen, eta berrogeita bost minutuko isilunea, koreografia hutsarekin. 1970ean, Trisha Brown dantza-konpainia sortu zuen, eta dantza garaikidearen talde aitzindaria bilakatu zen. Walking Down Side of Building (1969), Atal egituratuak (1973) eta Locus (1975) lanak aurretik zehaztutako arauen arabera eginda daude; Set and Reset (1983) koreografiak, berriz, Laurie Andersonen musika eta Robert Rauschenberg marrazkigilearen dekorazioa batzen ditu. Aurrerago, Trisha Brownek izugarrizko arrakasta izan zuen City Center aretoan Lateral Pass lanarekin. 1989an, koreografiaren keinu guztiak bildu zituen Astral Convertible ikuskizunean, mugimendu soilenetik hasi eta jarrera makurreneraino. 2002an, Arteetako Domina Nazionala eman zioten.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

(Ingelesez) Trisha Brown dantza-konpainiaren web-orria

Datuak: Q460833