Euskal Kosta-Aturri

Euskal Kosta-Aturri Baionaldea Baiona-Angelu-Biarritz (BAB)
Euskal Herria
Euskal Kosta-Aturri eskualdea, Nazioarteko Espazio Estaziotik ikusia
Administrazioa
Herrialdea	Lapurdi
Udalerriak	5
Herri handiena	Baiona
Geografia
Koordenatuak
Azalera	78 km²
Demografia
Dentsitatea	ERROREA: ezin izan da automatikoki kalkulatu, arazoa konpontzeko egin klik hemen biztanle/km²

Eskualdearen satelite irudia

Euskal Kosta-Aturri edo Baionaldea edota BAB Lapurdiko kostaldeko metropolitar gunea eta aglomerazio elkargoa izan zen. Gaur egun, eskualde bat da. Baiona, Angelu, Biarritz eta Bokale udalerriek osatzen zuten. Bidarte ere herri-elkargoko kide da baina geografikoki Lapurdi Itsasegia eskualdean dago kokaturik.

1999ko abenduaren 31n sortu zen, BAB izenarekin (Baiona, Angelu eta Biarritz udalerriek osatzen baitzuten) eta 2011ko urtarrilaren 1ean Bokale eta Bidarte gehitu zitzaizkien, herri-elkargoaren izena ere gaur egunekora aldatuz. 2017ko urtarrilaren 1ean desegin zen elkargoa, Euskal Herri Elkargoa sortu zenean.

118.352 biztanle bizi dira Euskal Kosta-Aturri elkargoa osatzen duten udalerrietan eta guztira, 78,24km²-tako azalera du. Ipar Euskal Herriko eskualderik populatuena da alde handiz, eta Euskal Herria osorik kontutan hartuta 20 udalerririk jendetsuenen artean daude Baiona (10.a), Angelu (13.a) eta Biarritz (20a.).

Arlo administratiboari dagokionez, aglomerazio elkargo bat osatzen du, frantsesez agglomération Côte basque – Adour izena baliatzen duena.

Arlo geografikoan, oraindik erabiltzen da herri-elkargoaren izen zaharra (BAB), Lapurdiko eskualdea definitzeko, zeina Baiona, Angelu, Biarritz eta Bokalek osatzen duten , Bidarte, nahiz eta herri-elkargoko kide izan, geografikoki Lapurdi Itsasegian dago kokaturik.

Udalerriak

INSEE Kodea	Udalerria	Alkatea	Biztanleria	Azalera	Dentsitatea	Ordezkariak
64024	Angelu	Jean Espilondo	35.263 biz.	2.693 ha	1.309 biz./km²	9
64102	Baiona	Jean Grenet	40.078 biz.	2.168 ha	1.850 biz./km²	11
64122	Biarritz	Didier Borotra	30.055 biz.	1.166 ha	2.577 biz./km²	7
64125	Bidarte	Jean Jakaxuri	5.614 biz.	1.215 ha	462,06 biz./km²	3
64140	Bokale	Marie-José Espiaube	7.342 biz.	582 ha	1.261,51 biz./km²	3
			118.352 biz.	7.824 ha	1.512,67 biz./km²	33

Ikus, gainera

• Baionako metropoli eremua
• Baiona-Donostia Euskal Eurohiria
• Lapurdiko eskualdeen zerrenda
• Euskal Herriko metropolitar guneak

Kanpo estekak

• (Frantsesez) Webgune ofiziala.

• Datuak: Q2826808