Georges-Louis Leclerc

Georges-Louis Leclerc
	; Irudi gehiago
7. seat 1 of the Académie française (en)
director of the Muséum National d'Histoire Naturelle (en)
Bizitza
Jaiotza	Montbard, 1707ko irailaren 7a
Herrialdea	Frantzia
Bizilekua	Frantzia
Lehen hizkuntza	frantsesa
Heriotza	Paris, 1788ko apirilaren 15a (80 urte)
Familia
Ezkontidea(k)	Marie-Françoise de Saint-Belin-Malain (en)
Hezkuntza
Heziketa	University of Angers (en) ; Borgoinako Unibertsitatea ; Collège des Godrans (en)
Hizkuntzak	frantsesa; alemana
Jarduerak
Jarduerak	botanikaria, bolkanologoa, ornitologoa, fisikaria, matematikaria, itzultzailea, biologoa, zoologoa, filosofoa, entomologoa, astronomoa, marrazkilaria, idazlea eta naturalista
Lantokia(k)	Brusela
Lan nabarmenak	ikusi Histoire naturelle (mul) ;
Jasotako sariak	ikusi Royal Societyko kidea ; Fellow of the American Academy of Arts and Sciences ;
Influentziak	Nicolas Antoine Boulanger (en)
Kidetza	Frantses Akademia; Royal Society; Frantziako Zientzien Akademia; Arteen eta Zientzien Ameriketako Estatu Batuetako Akademia; Académie de Stanislas (en) ; Zientzien Errusiar Akademia; Prusiako Zientzien Akademia; XL izeneko Zientzien Akademia Nazionala

Georges Louis Leclerc, Buffon Kondea (Montbard, 1707ko irailaren 7a - Paris, 1788ko apirilaren 16a) frantziar zientzia-gizona eta idazlea izan zen. Legegizona izan zen hasieran; gero izadiaren zientziez interesatu zen, eta 1739an Erregearen lorategiko arduradun izendatu zuten. Buffonek beste zenbaitekin batera egindako Histoire naturelle (1749-1789) obra gaitzak (44 liburuz osatutako lana) hedapen handia izan zuen. Zientzia-ezagupena esperientziaren gainean eraiki nahiz, behaketa zorrotz baten ondotik animalien deskribapen zehatzari ekiten zion liburuan. Ildo horretatik, Lineok plazaraturiko moten sailkapenari kritika egin zion, mugatuegia zelakoan. Eboluzionismoaren aitzindari, animalia biziaren egonkortasunari eztabaidagarria iritzirik, izakien aurrerabide eta kateatzearen ideia adierazi zuen. Lurraren garapenaren inguruko ideia ausartak eman zituen: 75.000 urte zituela Lurrak, eta 40.000 urte lehenago hasi zela bertan bizitza. Hoztu aurretik Lurrak 90.000 urte iraungo zituela ere baieztatu zuen. Bestalde, idazketaz ere arduratu zen, idatzizko adierazpidea gaiari egokiro lotua egon behar zuela aldarrikatuz: Discours sur le style (1753).

Buffonen lana berehala hedatu zen Frantziatik kanpo. Euskalerriaren Adiskideak elkarteak bere ikasgaien artean sartu zuen, eta Bergarako seminarioan Histoire naturelle delakoaren lehen egokitzea (Historia natural del hombre, 1773) testuliburu gisa erabili zen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Wikimedia Commonsen badira fitxategi gehiago, gai hau dutenak: Georges-Louis Leclerc

Buffon Kondeari buruzko artikulua Argia astekarian

Datuak: Q229264
Multimedia: Georges-Louis Leclerc, comte de Buffon / Q229264
Espezieak: Georges-Louis Leclerc, Comte de Buffon