Flora Murray

Flora Murray
Irudi gehiago
Bizitza
Jaiotza	Dumfries, 1869ko maiatzaren 8a
Herrialdea	Britainia Handia eta Irlandako Erresuma Batua
Heriotza	Hampstead, 1923ko uztailaren 28a (54 urte)
Hezkuntza
Heziketa	Durham University (en) London School of Medicine for Women (en)
Jarduerak
Jarduerak	medikua eta sufragettea
Jasotako sariak	ikusi Britainiar Inperioko Ordenaren komendadorea
Kidetza	Emakumeen Batasun Sozial eta Politikoa

Flora Murray (Murraythwaite, 1869ko maiatzaren 8–1923ko uztailaren 28) Eskozian jaioa, lanbidez medikua izan zen, beraz, lan mundu horretan benetako emakume aitzindaria. Britainiar Inperioko Ordena lortu zuen. Ideologikoki sufragista zen eta Women's Social and Political Union suffragette mugimenduko partaidea izan zen.

Biografia

Flora Murraythwaite-n, Eskozian, jaio zen. Gurasoak John Murray eta Grace Harriet Graham ziren. Londresen Emakumeentzako Medikuntza Eskolan ikasi zuen eta ikasketak Durhameko Unibertsitatea bukatu zituen. 1905an Belgraveko Haur-Ospitalean ofizial-medikua izan zen eta anestesista bezala Chelseako Emakumeentzako Ospitalean lan egin zuen ere bai.

1908an mugimendu sufragistan sartu zen, Millicent Fawcetten Women's Social and Political Union suffragette taldean alegia. Hizlaria izan zen eta manifestazio askotan hartu zuen parte. Militanteen artean mediku gisa aritu zen. Esaterako, Emmeline Pankhurstek eta beste gose grabalariek gose-greba utzi zutenean eta libre gelditu zirenean berak eman zizkien lehenengo sorospenak. Politikoki grebalariei indarrez jatearen aurka hitz egin zuen.

1912an, Louisa Garrett Anderson doktorearekin batera, Haurrentzako Emakumeen Ospitalea sortu zuen. Ospitaleak bi helburu zituen: inguruko haurrei osasun-laguntza ahalbideratzea eta, bestetik, emakume doktore berriei pediatria arloan praktikak egiteko aukera eman.

Lehen Mundu Gerran armadari Frantzian lagundu zion, zerbitzu medikuetan. Berriro ere Louisa Garrett Anderson doktorearekin batera Frantziako armadarako ospitale militarrak Paris eta Wimereuxen sortu zituen. Hasierran Britaniar Armadak bere lana aurrera eramateko baimena ezeztatu bazien, azkenian onartu zuten.

Hesteetako minbizia zuela eta, Londresko ebakuntza egin zioten eta, ondorioz, 1923ko uztailaren 28an hil zen. Bere gorpuzkinak Holy Trinity Churchen, Penn, Buckinghamshiren, lurperatuta daude, Louisa Garrett Andersonen ondoan.

Kanpo estekak

• (Ingelesez): Emakumea Lehen Mundu Gerran. Emakumeen taldeak Britaniar Armadan.
  • (Ingelesez): Wellcome Library – Endell Streeteko Ospitale Militarra.

• Datuak: Q4794074
• Multimedia: Flora Murray / Q4794074