Miren Uzkudun
| Miren Uzkudun | |
|---|---|
 | |
| Bizitza | |
| Jaiotza | Asteasu, 1922ko azaroaren 14a (102 urte) |
| Herrialdea |  Gipuzkoa, Euskal Herria |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | pilotaria |
| Izengoitia(k) | Asteasu |
Miren Uzkudun Tapia (Asteasu, Gipuzkoa, 1922ko azaroaren 14a) Euskal erraketista profesionala izan zen,[1] 18 urtez. Pilota munduan Asteasu goitizenez ezaguna.
Biografia
[aldatu | aldatu iturburu kodea]
Lehen urratsak
[aldatu | aldatu iturburu kodea]Miren, umetan beti ibiltzen zen pilotalekuaren bueltan eta 1936ko Gerra Zibilak ere parte handia izan zuen bere erabakian. Hamar senide ziren. Lehenengo bostak Frantziara alde egin zuten, han zuten osaba batengana eta han bizi izan ziren, bueltatzerik ez zuten-eta. Neba bat gudari joan zen eta familia osoa erabat sakabanatuta egon zen luzaroan. Aita udaletxeko idazkaria zen eta kartzelan sartu zuten. Eta horrela geratu ziren sakabanatuta eta lanik gabe.
Erraketista ibilbidea
[aldatu | aldatu iturburu kodea]Zerbait egin beharra zegoen eta Mireni ikastea ez zitzaionez asko gustatzen, Tolosara erraketan entrenatzera joaten hasi zen.[2] Bi hilabetez entrenatzen aritu eta Madrilera jokatzera joateko aukera izan zuen, Iberia izeneko frontoi berri batera. Han egin zuen debuta 18 urte zituela. Bi urtez aritu zen Madrilen eta, handik aurrera hamahiru pilotalekutan aritu zen; Donostia, Bartzelona, Logroño, Valentzia, Tenerife, Las Palmas, Mexiko, Kuba, berriz Bartzelona eta, azkenean, Madrilen bukatu zuen.
Erraketari agur
[aldatu | aldatu iturburu kodea]1960. urtean, 18 urtez frontoietan jokatzen jardun ondoren, agur esan zion erraketari.[3]
Omenaldia
[aldatu | aldatu iturburu kodea]
- 2013ko ekainaren 8an Irurako Frontoian VII. Emakumea Pilotari Egunean omendu zuten, zenbait erraketistarekin batera.[4]
- 2015eko uztailaren 23an Errenteriako "Fanderia" frontoiari Agustina Otaola izena jarri zioten eta Agustina buru zela, Lucia Areitioaurtena, Maria Dolores Larramendi, Ramonita Gametxo, Rosa Soroa, Gloria Agirre "Txikita de Aizarna" eta Maria Elena Hernández erraketistekin batera, Miren ere omendu zuen.[5]
- 2017an omenaldia egin zioten Hernanin.[6]
- 2022ko azaroaren 15ean Pili Legarra Asteasuko alkatea eta Joseba Gomez Gizarte zerbitzuetako zinegotzia, Uzkudunek 100 urte bete zituen egunean, haren etxera hurbildu ziren zoriontzera eta lore sorta bat ematera.[7]
Erreferentziak
[aldatu | aldatu iturburu kodea]- ↑ «Emakume erraketistak - Aintzinako lanbideak» ORAIN Gipuzkoa (Noiz kontsultatua: 2020-03-06).
- ↑ «Historikoa» datubasea.raketistak.eus (Noiz kontsultatua: 2020-03-06).[Betiko hautsitako esteka]
- ↑ SLU, Herritar Berri. (2015-10-08). ««Jaioterrian ez nuen inoiz nire lanbideaz hitz egiten; inori ez zitzaiola interesatzen iruditzen zitzaidan»» GAUR8 (Noiz kontsultatua: 2020-03-06).
- ↑ (Gaztelaniaz) VII. Emakumea Pilotari Eguna – Pelota Vasca. (Noiz kontsultatua: 2020-03-06).
- ↑ «" Agustina Otaola, Raketista Profesionala " Frontoiaren izen berria. :: Eple Errenteria» www.eple-errenteria.org (Noiz kontsultatua: 2020-03-06).
- ↑ https://web.archive.org/web/20190223185743/http://www.kronika.eus/albisteak/hernani/albistea/2017/07/06/3910b79564789/raketarekin-ere-dotore-irazustabarrena-eta-araiztegi/
- ↑ «Miren Uzkudun Tapia zoriondu dute bere 100. urteurrenean - Asteasu» Tolosaldeko ataria (Noiz kontsultatua: 2022-11-18).
Kanpo estekak
[aldatu | aldatu iturburu kodea]- Apostando por ellas. Historia de las raquetistas
- Erraketistak lehen eta orain. Dokumentala
- Emakume erraketistak. Erakusketa
- Erraketistak, aitzindariak pilotaren munduan
| Autoritate kontrola |
|
|---|
Datuak: Q58481735
Multimedia: Miren Uzkudun / Q58481735