Kubikmeeter

Söl'ring

Maat
Norm	SI-Süsteem
Noom	Kubikmeeter
Teeken	$\mathrm {m^{3}}$
Füsikaalisk Maat fuar	Woluumen
Formelteeken	$V$
Dimensjoon	Rüm
Dimensjoons-Sümbool	${\mathsf {L^{3}}}$
Ön SI-Maaten	$m\cdot m$
Hinget töhop me	Meeter
Luki uk jir: Kwadraatmeeter

En Kubikmeeter es dat Maat fan di Rüm (Dat Woluumen) iin ön en Körper.

En Körper, wat 1m lüng, 1m breer en 1m hoog es, heer en Rüm fan 1 Kubikmeter ("1m³" of uk "cbm").
Lik sa gur kur di uk 50cm lüng,2m breer en 1m hoog wiis.

En Kubikmeeter es da di Rüm, wat em heer, wan bi't Multiplitsiarin wat Leengdi, Breerhai en Hoogdi 1.000.000 cm³ ütkum.

Em ken diar jit sii: En Areaal fan 1m² fo 1m³ Rüm, wan diar uk jit 1m hoog Wuchen ön fast kum.

Gibrük fuar üđer Rümen

Kubik-Tsentimeeter

Wan di Körper bluat 1cm x 1cm x 1cm gurt es, da heer hi en Rüm fan 1 Kubik-Tsentimeeter (cm³)

1.000.000 cm³ = 1 m³)

Liter

Fuaral fuar Wiitighairen, man uk bi Hüüf-Kolbenmotooren uur di Liter fuar di Rüm nomen.

1 Liter = 1.000cm³

Bispöl Snapsglees

Bi san Glees skel di Drinker 2 Tsentiliter (2cl) Snaps fuar sin Jil fo.
Üs bi di Meeters es ük bi di Liters "Tsenti-" dat Uurt fuar di 100st Diil fan jen.
Wan Jen Liter 1.000cm³ heer, da es di Hönertst Diil 10cm³.
Wan di Drinker 2cl Snaps fo, da sen dit sa fuul üs 20cm³.

Bispöl Weeterglees

Wan em en Glees Weeter bistelt, da uur em aaft fraaget: "02 oder 04?" Meent sen 0,2 Liters of 0,4 Liters.
Lik sa gur kür em fraagi: "200 of 400?". Dit wiar da dit salev me Kubik-Tsentimeters of Mililiters, man dit maaket nemen.

Jen cm³ es uk di Düsendst Diil fan en Liter. Sa üs uk bi di Meeters staant "Mili" fuar di 1000st Diil. Di jit da "Mililiter (ml)"

Dat jit: 0,2 Liter = 20 Tsentiliter = 200 Mililiter = 200 Kubik-Tsentimeter

Bispöl Kolbenmotoor

En Motoor, wat me 1.589 cm³ Hüüvrüm öndönen es, heer likfuul 1,589 Liters Hüüvrüm, wat da üs "1,6 Liter" forkoopet uur.

Luki uk jir

• Meeter
• Kwadraatmeeter