Wout van Aert

Wout van Aert (Herentals, 15 septimber 1994) is in Flaamsk fjildrider en dykhurdfytser.

Wout van Aert
sporter
Wout van Aert (2022)
persoanlike bysûnderheden
echte namme	Wout van Aert
nasjonaliteit	Belgysk
bertedatum	15 septimber 1994
berteplak	Herentals
etnisiteit	Flaamsk
lingte	1.90 m
gewicht	78 kg
sportive ynformaasje
sport	Hurdfytsen
ûnderdiel	Fjildriden, Dykhurdfytsen
O.S.	Tokio 2020, Parys 2024
debút	2010
wichtige prestaasjes
Fjildriden 3x goud Wrâldkampioenskippen 2016-2018 4x sulver Wrâldkampioenskippen 2015, 2019, 2021, 2023 Dykhurdfytsen 1x sulver Olympyske Spullen 2021 1x brûns Olympyske Spullen 2024 3x sulver Wrâldkampioenskippen 2020, 2021

Biografy

Van Aert waard trije kear op rige wrâldkampioen fjildriden yn de jierren 2016, 2017 en 2018, en pakte ek fjouwer kear sulver yn dizze dissipline. Hy wûn ek medaljes op de wrâldkampioenskippen dykhurdfytsen yn 2020 by de dykwedstriid en sulver yn it tiidriden yn 2020 en 2021. Ek yn de dykwedstriid fan de Olympyske Simmerspullen fan 2020 naam er in sulveren medalje mei nei hûs. Dêrneist waard er fiif kear Belgysk kampioen fjildriden, twa kear Belgysk kampioen tiidriden en ien kear Belgysk kampioen op de dyk.

Njonken de kampioenskippen wûn er ûnder mear hurdfytsmonumint Milaan-San Remo en klassikers as de Strade Bianche, Amstel Gold Race, Gent-Wevelgem, E3 Harelbeke, Omloop Het Nieuwsblad en de Bretagne Classic.

Yn de Omgong fan Frankryk wûn Van Aert njoggen etappes mei ûnder mear twa yndividuele tiidritten, in rit mei in dûbele beklimming oer de Mont Ventoux en de prestisjeuze slotetappe op de Champs-Elysées. Yn 2022 wie er einwinner fan it griene himd yn it punteklassemint en wûn er de Priis fan de striidberste fytser.

Dielname oan grutte omgongen

Dielname oan de Omgong fan Frankryk

• 2019 - net finisht; winner 10e etappe.
• 2020 - 20ste; winner 5e en de 7de etappe.
• 2021 - 19e; winner 11e, 20ste en de 21ste etappe.
• 2022 - 22ste; winner 4e, 8ste en de 20ste etappe.
• 2023 - net finisht;

Ploegen

• 2012-2014 - Telenet-Fidea
• 2014-2016 - Vastgoedservice
• 2017-2018 - Verandas Willems-Crelan
• 2018-2019 - Cibel
• 2019-no - Jumbo-Visma

Boarnen, noaten en referinsjes

Boarnen, noaten en/as referinsjes:

Wikipedy:NL Commons Wikimedia Commons  Ofbylden dy't by dit ûnderwerp hearre, binne te finen yn de kategory Wout van Aert fan Wikimedia Commons.