Aeroporto de Vitoria

Aeroporto de Vitoria
Aeroporto de Vitoria Aeropuerto de Vitoria / Gasteizko aireportua
IATA: VIT – ICAO: LEVT
Sumario
Tipo	Público
Cidade/Illa	Vitoria
Localización	Vitoria
Elevación (msnm)	512,60 metros / 1 682 pés
Pista(s)
Estatísticas (2017)
Pasaxeiros	84 261
Aumento pasaxeiros	128,3%
Operacións	8 434
Aumento operacións	26%
Carga (ton.)	60 484
Aumento carga	16%
	Fonte: AENA

O Aeroporto de Vitoria (en éuscaro: Gasteizko aireportua; IATA: VIT, OACI: LEVT) é un aeroporto xestionado por Aena, inaugurado en 1980. Sitúase a 8 km do centro da cidade de Vitoria, en terreos do antigo municipio de Foronda e moi preto dos pobos de Foronda e Andetxa, polo que recibiu no seu momento o nome de Aeroporto de Foronda. Debido á súa construción e por motivos de seguridade tívose que derrubar a localidade de Otaza, que quedaba ao final da pista e moi preto do perímetro do aeroporto.

As instalacións construíronse co propósito de transportar a todos os viaxeiros de Áraba e zonas limítrofes dende Foronda. Non obstante non conseguiu desbancar aos aeroportos de Bilbao e Donostia, a pesar de ter unhas características operacionais superiores e moita mellor visibilidade e facilidade para a engalaxe e a aterraxe, xa que está situado nunha ampla chaira e posúe unha gran pista de aterraxe bidireccional (04/22) de 3,5 km de longo (conta, ademais, cun localizador ILS para a cabeceira 04). A pista conta ademais cunha rúa de rodaxe paralela, que axiliza a circulación de aeronaves polo aeroporto e reduce o tempo de ocupación da pista principal.

Aeroliñas e destinos

Pasaxeiros

Aeroliñas	Destinos
Ryanair	Bérgamo, Colonia/Bonn (comeza en outubro de 2017), Sevilla (comeza en outubro de 2017), Tenerife-Sur

Carga

Aeroliñas	Destinos
ASL Airlines Belgium	Liexa
DHL Aviation	Alacant, Barcelona, Lisboa, Santiago de Compostela, Sevilla
DHL Aviation operado por DHL Air UK	Leipzig/Halle
DHL Aviation operado por European Air Transport Leipzig	Bruxelas
DHL Aviation operado por Swiftair	Leipzig/Halle, East Midlands

Notas

↑ AENA (ed.). "Estadísticas de tráfico aéreo" (PDF). Arquivado dende o orixinal (PDF) o 13 de xaneiro de 2018. Consultado o 14 de xaneiro de 2018.

Véxase tamén

Outros artigos

Lista de aeroportos de España

Ligazóns externas

Páxina oficial do Aeroporto de Vitoria na web de AENA Arquivado 04 de xullo de 2014 en Wayback Machine. (en castelán)

[Estadísticas_2017-1] AENA (ed.). "Estadísticas de tráfico aéreo" (PDF). Arquivado dende o orixinal (PDF) o 13 de xaneiro de 2018. Consultado o 14 de xaneiro de 2018.

[1]