Cova de Font-de-Gaume

Font-de-Gaume é unha cova con mostras de arte paleolítica que está situada no concello occitano de Las Eisiás de Taiac (nome oficial en francés Eyzies-de-Tayac) na Dordoña (en francés Dordogne).

Cova de Font-de-Gaume

(2008)
Tipo	sitio arqueolóxico prehistórico
Parte de	Sitios prehistóricos e covas decoradas do val do Vézère
Localización
División administrativa	Les Eyzies-de-Tayac-Sireuil, Francia e Les Eyzies, Francia (pt)
44°56′05″N 1°01′44″L
Características
Parte dun sitio do Patrimonio da Humanidade
Data	1979, 1979 (?ª Sesión)
Identificador	85-003
Monumento histórico clasificado
Data	3 de xullo de 1902
Identificador	PA00082550

Historia e características

Foi descuberta o 12 de setembro de 1901 por Denis Peyrony, Henri Breuil e mais Louis Capitan, tan só catro días despois de descubrirse a gruta de Les Combarelles.

Os achados de materiais, elaborados polos homes primitivos en pedra (industria lítica), pertencen esencialmente ás culturas do Chatelperroniense e ao Auriñaciense, e máis raramente, ao Musteriano, ao Solutreano ou ao Magdaleniano.

A cova presenta a forma dun pasadizo de 125 metros de longo e relativamente estreito. As primeiras representacións atópanse a uns sesenta metros da entrada, zona de escasa circulación de aire, cousa que facilitou a súa conservación, xa que outras pinturas dentro do pasadizo desapareceron pola acción do aire.

Arte rupestre

En total hai uns 200 gravados e pinturas que nalgúns casos presentan policromía. Os motivos son signos xeométricos de animais. en concreto de uros (Bos primigenius), bisontes, mamuts, cabalos, renos e mesmo leóns (uns 80 bisontes, 40 cabalos e 20 mamuts). As figuras antropomórficas que aparecen son siluetas e posibelmente vulvas.

Ao non existir unha datación absoluta estas obras de arte parietal son asignada ao período magdaleniano, baseándose en comparacións estilísticas.

Patrimonio Mundial

Desde 1979, esta cova e outras próximas, no val de Vézère, están inscritas como Patrimonio da Humanidade pola UNESCO.

Visita

A cova de Font-de-Gaume éstá aberta ao público, pero con limitacións. O máximo dun grupo a entrar é de 12 persoas. En caso de querer vistala aconséllase reservar con antelación.

Véxase tamén

Bibliografía

• H. Breuil, Quatre cent siècles d'art pariétal, Centre d'Études et de Documentation préhistoriques, 1952.
• A. Leroi-Gourhan (1988), « Font-de-Gaume », in Dictionnaire de la Préhistoire, Leroi-Gourhan, A., (Éd.), PUF, pp. 410–411.

Ligazóns externas

• Font-de-Gaume sur hominides.com (en francés)
• Film des principales peintures de Font-de-Gaume^{[Ligazón morta]} (en francés)
• Fiche technique (PDF) des Monuments Nationaux sur la Grotte de Font de Gaume
• Photo du site du Ministère de la Culture
• Font-de-Gaume (en inglés)