José Benito Abraira
José Benito Abraira Feijóo, nado en Meira o 31 de xullo de 1904 e finado en Buenos Aires o 6 de setembro de 1987, foi un comerciante galeguista da Arxentina.
  | |
| Biografía | |
|---|---|
| Nacemento | 31 de xullo de 1904 Meira, España |
| Morte | 6 de setembro de 1987 (83 anos) Buenos Aires, Arxentina |
| Actividade | |
| Ocupación | comerciante |
| Familia | |
| Fillos | Carlos Abraira Cela |
Traxectoria
editarO seu pai era labrego e canteiro, a súa nai Carmen Feijóo finou en Meira en decembro de 1956.[1] En 1922 marchou a Buenos Aires. Traballou no comercio e creou o seu propio establecemento, a xastrería Celta en 1934. Participou no Coro Ultreia, colaborou coa Federación de Sociedades Gallegas, escribiu en Céltiga, foi membro da Agrupación A Terra pro Centro Galego de Bos Aires, e integrou a súa Comisión Directiva. Foi secretario da Irmandade Galega. Visitou Galicia no verán de 1950 e contactou cos galeguistas na clandestinidade. Foi vogal do Centro Gallego (1954-1956). En 1956 foi o secretario do Primeiro Congreso da Emigración Galega en América.
Nos últimos anos foi fundador da Asociación Civil Amigos do Idioma Galego de Bos Aires (ADIGAL). A Biblioteca desta Institución leva o seu nome. Tamén colaborou en Pátria Galega. En xuño do 1984 viaxou coa súa dona a Galicia para "denunciar" a inautenticidade que supuña a repatriación dos restos de Castelao.
Finou en Buenos Aires o 6 de setembro de 1987.[2]
Vida persoal
editarCasou en Buenos Aires con María Mercedes Cela o 14 de xuño de 1930,[3] e foi pai de Carlos Abraira Cela.
Notas
editarVéxase tamén
editarBibliografía
editar- Fernández Santiago, Marcelino Xulio (2000). "Unha visión da actividade dos nacionalistas galegos en 1950 desde Bos Aires". Estudios Migratorios (10).
Ligazóns externas
editar- BiografíaArquivado 01 de maio de 2013 en Wayback Machine.