Montbard

Montbard
	Bandeira
Localización
	47°37′23″N 4°20′13″L / 47.6231, 4.3369
Estado	Francia
Divisións administrativas	Francia Metropolitana
Rexións	Borgoña-Franco Condado
Departamento	Côte-d’Or
Capital de	arrondissement of Montbard (en) ; canton of Montbard (en) (2015–)
Poboación
Poboación	4.788 (2021) (103,26 hab./km²)
Xeografía
Situado na entidade territorial estatística	Q108921616 ; Q114359470
Superficie	46,37 km²
Altitude	202 m-366 m
Comparte fronteira con	Savoisy ; Étais ; Marmagne ; Montigny-Montfort ; Nogent-lès-Montbard ; Arrans ; Saint-Rémy ; Touillon ; Crépand ; Quincerot ; Planay
Identificador descritivo
Código postal	21500
Fuso horario	UTC+01:00, horario estándar; UTC+02:00, horario de verán
Outro
Irmandado con	Couvin ; Ubstadt-Weiher
Sitio web	montbard.com

Montbard é unha vila e comuna francesa, capital de distrito (arrondissement), e subprefectura do departamento de Côte-d'Or, na rexión da Borgoña-Franco Condado.

Situada na liña de ferrocarril de París-Lión a Marsella-Saint-Charles, servida polo TGV, está atravesada polo canal de Borgoña.

Vila natal dos naturalistas Buffon e de Louis Jean Marie e Pierre Daubenton, Montbard alberga unha importante industria de transformación metalúrxica.

Xeografía

Montbard está situada ao noroeste de Dijon, a unha altitude de entre os 202 e os 366 msnm, e ocupa unha superficie de 46,37 km².^[1]

No ano 2016 albergaba unha poboación de 5 334 habitantes, o que facía que nese ano a súa densidade de poboación fose de 115 hab./km².

Demografía

A evolución do número de habitantes de Montbard coñécese a través dos censos da poboación levados a cabo na comuna desde 1793. A partir do 2006 as poboacións legais das comunas son publicadas anualmente polo INSEE.

Serie de poboación histórica de Montbard
(Fonte/s: INSEE^[2] e Cassini^[1])
Ano	1793	1800	1841	1861	1881	1901	1906	1911	1931	1936	1946	1962	1975	1982	1990	1999	2008	2015
Poboación	2 316	2 118	2 215	2 617	2 607	3 632	3 824	3 957	4 423	4 097	4 455	6 386	7 513	7 707	7 108	6 300	5 554	5 331

Hidrografía

O seu territorio está atravesado polo río Brenne e polo canal de Borgoña.

Comunicacións

A súa estación de ferrocarril está servida polas lilñas dos TGV París-Dijon-Besançon-Mulhouse e Lille-Mulhouse, que unen a vila a París nunha hora e a Lille en dúas horas.

Historia

O lugar de Montbard foi ocupado desde tempos antigos. Na época dos galos, Montbard albergou unha comunidade de druídas.

Na Idade Media, era unha importante cidade ao redor do castelo de Montbard, construído no século X. En 1070, santa Alethe Montbard (nai de Bernaldo de Claraval) naceu alí. O futuro san Bernaldo era sobriño do conde André de Montbard, un dos fundadores da orde do Temple. En 1231 Montbard foi instituída como comuna polo duque Hugo IV de Borgoña. Nesta época era un lugar frecuentemente visitado polos duques de Valois.

En 1590 a vila foi cercada polo vizconde de Tavannes Guillerme de Saulx, tenente do rei Henrique IV de Francia, que loitaba contra Charles Emmanuel, duque de Savoia-Nemours.

En 1707 o naturalista e conde Georges-Louis Leclerc, naceu en Montbard, e alí viviu gran parte da súa vida, facendo frecuentes viaxes a París, onde dirixía o Xardín real das plantas medicinais (chamado o "Xardín do Rei"), futuro Museo Nacional de Historia Natural de Francia. Alí albergou a Jean-Jacques Rousseau ao seu regreso do exilio. E alí escribiu os textos que constitúen a súa obra monumental, a Histoire naturelle, générale et particulière avec la description du cabinet du Roy. Tamén traballou para desenvolver a economía do seu dominio: en 1733 creou un viveiro de árbores, e en 1767 estableceu forxas onde se facían balas de canón.

En xullo de 1813 Jean-Andoche Junot, duque de Abrantes, xeneral e amigo do emperador Napoleón I, morreu medio tolo en Montbard, na casa de seu pai.

En 1833 foi aberto ánavegación o canal de Borgoña.

En 1926, por decreto de Raymond Poincaré, Montbard constituíuse en subprefectura, substituíndo ás subprefecturas de Châtillon-sur-Seine e Semur-en-Auxois.

O 16 de xuño de 1940, a 10ª Brigada Acoirazada polaca do xeneral Maczek derrota aos alemáns preto de Montbard (en Nod-sur-Seine), pero illado, as unidades francesas de ambos os dous lados foron derrotadas ou se retiraron. O 18 de xuño, a brigada estaba practicamente rodeada e quedou sen gasolina e municións. O xeneral Maczek ordenou a destrución do material da unidade e a dispersión do seus homes.