Moses Malone

Moses Malone
	;
Biografía
Nacemento	(en) Moses Eugene Malone ; 23 de marzo de 1955 ; Petersburg, Estados Unidos de América (pt)
Morte	13 de setembro de 2015 (60 anos); Norfolk, Estados Unidos de América
Causa da morte	doenza cardiovascular
Residencia	Virxinia ; Petersburg (pt)
Grupo étnico	Afroamericano
Educación	Petersburg High School (en)
Altura	208 cm
Peso	98 kg
Actividade
Ocupación	baloncestista, adestrador de baloncesto
Período de actividade	1974 - 1995
Nacionalidade deportiva	Estados Unidos de América
Deporte	baloncesto
Liga	National Basketball Association e American Basketball Association
Posición de xogo	Ala-pivote e Pivote
–
Traxectoria
Premios
	(1985) Equipo All-NBA; (1983) Equipo All-NBA; (1983) Mellor quinteto defensivo da NBA; (1983) Premio Bill Russell ao MVP das Finais da NBA; (1983) MVP da Tempada da NBA; (1982) Equipo All-NBA; (1982) MVP da Tempada da NBA; (1979) Equipo All-NBA; (1979) MVP da Tempada da NBA ;

Moses Eugene Malone, nado o 23 de marzo de 1955 en Petersburg e finado o 13 de setembro de 2015 en Norfolk, foi un xogador de baloncesto profesional estadounidense que actuou tanto na NBA como na ABA. Malone xogou 21 tempadas na NBA. Antes de retirarse do baloncesto, foi o último participante da ABA en xogar na NBA.

Instituto e ABA

Malone graduouse no instituto de Petersburg, e de alí deu directamente o salto á ABA, sendo elixido por Utah Stars en 1974, tras asinar unha carta de intención para xogar na Universidade de Maryland. Foi o primeiro xogador de baloncesto en saltar do instituto a unha liga profesional. En dúas tempadas na ABA, Malone tivo unha media de 17,2 puntos e 13,9 rebotes por partido. Xogou con Utah Stars e Spirits of St. Louis.

Carreira NBA

Tras a fusión da ABA coa NBA, Malone converteuse en xogador de Buffalo Braves, tras ser seleccionado por Portland Trail Blazers no draft de dispersión da ABA pero traspasado aos Braves tras iso. Despois dun curto período alí, foi enviado a Houston Rockets. Nesta franquía causou un impacto inmediato, axudándoa a converterse nunha das máis respectadas da liga tras disputar as finais da NBA en 1981, onde perderon en seis partidos contra os Celtics de Larry Bird. Malone fora nomeado MVP da tempada en dúas ocasións anteriormente, en 1978 e en 1979.

Salvador dos 76ers

Tras facer 31 puntos por partido na tempada 1981-82, foi nomeado de novo MVP. Con todo, no verán foi traspasado a Philadelphia 76ers. Alí compartiu vestiario con Julius Erving, Maurice Cheeks e Bobby Jones, entre outros, e participou no único anel gañado pola franquía, en 1983, ante Los Angeles Lakers de Magic Johnson. Dous anos antes, os 76ers perderon ante os Lakers nas finais, e como o adestrador Billy Cunningham dixo: "A diferenza a partir do ano pasado era Moses". Malone foi tamén nomeado MVP das Finais. Antes de que os playoffs de 1983 desen comezo, Malone fixo a famosa predición caracterizada pola frase "fo 'fo' fo '" ("four, four, four", é dicir catro, catro, catro), aventurando que os Sixers varrerían en todas as eliminatorias. Con todo, Milwaukee Bucks foi o único equipo que conseguiu vencerlle un partido, nas Finais de Conferencia. Hoxe en día, o 12-1 de Philadelphia 76ers naqueles playoffs segue sendo unha das marcas máis dominantes nuns playoffs (os Lakers de 2001 conseguiron un 15-1 no formato ampliado de catro roldas de playoffs).

Anos post-campión

Antes de comezar a tempada 1986-87, Malone foi traspasado a Washington Bullets, non sen antes xogar unha tempada xunto co lendario Charles Barkley. Durante as dúas tempadas que Malone estivo a xogar co equipo da capital, estes chegaron aos playoffs. As dúas tempadas seguintes xogaríaas en Atlanta xunto coa estrela Dominique Wilkins e o carismático Spud Webb, nun equipo adestrado por Mike Fratello. A partir da tempada 1990-91 até o verán de 1993, Milwaukee Bucks foi o equipo de Moses Malone. Durante un curto período, volveu vestir a camiseta dos 76ers, xogando con Manute Bol na que sería unha tempada infestada de lesións, a 1993-94. En 1994 foi enviado aos Spurs de David Robinson. A 1994-95 foi a súa última tempada na NBA. Durante o último partido da súa carreira, que lle enfrontou con Charlotte Hornets, anotou un triplo na bucina desde a liña de tiros libres do campo contrario, sendo este o seu oitavo tiro de tres anotado na súa extensa carreira. Tan só xogou 17 partidos con San Antonio, todos eles en novembro e decembro de 1994.

Palmarés

Campión da NBA (1983).
Unha vez MVP da Finais da NBA (1983).
Tres veces MVP da Tempada da NBA (1979, 1982–1983).
Doce veces All-Star da NBA (1978–1989).
Dúas veces All-Star da ABA (1975–1976).
Unha vez MVP do All-Star (1965).
Catro veces no Primeiro equipo da NBA (1979, 1982–1983, 1985).
Catro veces no Segundo equipo da NBA (1980–1981, 1984, 1987).
Unha vez no Primeiro equipo defensivo da NBA (1983).
Unha vez no Segundo equipo defensivo da NBA (1979).
Seis veces máximo reboteador da NBA (1979, 1981–1985).
Nomeado un dos 50 mellores xogadores da historia da NBA (1996).
Nomeado un dos Mellores xogadores da historia da ABA (1997).
Membro do Basketball Hall of Fame como xogador (2001).
Número 24 retirado polos Houston Rockets.

Véxase tamén

Ligazóns externas

Estadísticas da súa carreira Arquivado 04 de abril de 2013 en Wayback Machine.
Máis estatísticas
Fotos de Moses Malone
MVP's: Moses Malone Arquivado 14 de agosto de 2009 en Wayback Machine.