Nevio Scala
Nevio Scala, nado en Lozzo Atestino, Padua, o 22 de novembro de 1947, é un exfutbolista e exadestrador italiano.
  | |||||||||||||||||||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 22 de novembro de 1947 (76 anos) Lozzo Atestino, Italia (pt)  | ||||||||||||||||||||||||||||||||||||||||||||||||||||||||||||||||||||||||||||||||||
| Altura | 174 cm | ||||||||||||||||||||||||||||||||||||||||||||||||||||||||||||||||||||||||||||||||||
| Peso | 71 kg | ||||||||||||||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||||||||||||||
| Ocupación | futbolista (–1981), adestrador de fútbol | ||||||||||||||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||
Xogaba como centrocampista e militou en varios clubs italianos, gañando varios títulos durante a súa etapa no Milan. Como adestrador, é principalmente lembrado polo seu labor á fronte do Parma durante a época dourada do club na década de 1990, na que, con Scala no banco, o equipo pasou da Serie B a gañar varios títulos nacionais e europeos.
Traxectoria
editarComo futbolista
editarTivo unha destacada carreira como centrocampista en varios equipos italianos da Serie A (Roma, Milan, Vicenza e Inter de Milán) e, posteriormente, xogou tamén no Foggia, Monza e Adriese, de menor categoría. A súa época máis triunfante foi a que viviu vestindo a camiseta do Milan, co que gañou unha liga, unha Copa de Europa e unha Recopa de Europa.
Como adestrador
editarComezou a súa carreira como adestrador no Reggina, ao que ascendeu dende a Serie C ata a Serie B. En 1989 colleu as rendas do Parma, na Serie B. Ocupou ese cargo durante seis anos, levando ao club emiliano ao seu primeiro ascenso á Serie A en 1990 e,[1] posteriormente, converteu o equipo nun dos principais clubs de Italia, grazas en boa parte ao apoio financeiro do presidente e fundador de Parmalat, Calisto Tanzi. Gañou a Copa de Italia en 1992, a Recopa de Europa e a Supercopa de Europa en 1993 e a Copa da UEFA en 1995, ademais de disputar varias finais máis. O seu mellor resultado na liga foi un terceiro posto na tempada 1994/95. Deixou o club en xuño de 1996.[2]
Durante a tempada 1996/97, aceptou a oferta de Luciano Gaucci para adestrar o Perugia, que estaba a pasar momentos difíciles, pero non logrou evitar o descenso á Serie B. Posteriormente adestrou varios equipos estranxeiros, sendo o primeiro deles o Borussia Dortmund alemán, co que gañou a Copa Intercontinental en 1997. No ano 2000 chegou ao Beşiktaş, converténdose no terceiro adestrador italiano en adestrar un equipo turco, despois de Giuseppe Meazza e Sandro Puppo. Máis tarde pasou polo Shakhtar Donetsk, co que gañou a liga ucraína e a Copa de Ucraína, e polo Spartak de Moscova.
Tras regresar ao seu Lozzo Atestino natal, presentouse á alcaldía e foi concelleiro dende 2007.[3] Ademais traballou como comentarista na Rai Radio 1.[4]
Presidencia do Parma
editar
En xullo de 2015 accedeu á presidencia do novo Parma, refundado despois de que o club orixinal desaparecese por problemas económicos.[5] O exfutbolista Luigi Apolloni foi elixido como adestrador.[6] O Parma conseguiu regresar ao fútbol profesional italiano, subindo ata a Lega Pro,[7] pero Scala acabou dimitindo en novembro de 2016, por non estar de acordo coa decisión dos propietarios do club de despedir ao adestrador Apolloni e ao director técnico Lorenzo Minotti, ambos antigos xogadores seus durante os seus tempos como adestrador do Parma.[8]
Palmarés
editarComo futbolista
editar- Milan
- Serie A (1): 1967/68.
- Copa de Europa (1): 1968/69.
- Recopa de Europa (1): 1967/68.
Como adestrador
editar- Parma
- Copa de Italia (1): 1991/92.
- Recopa de Europa (1): 1992/93.
- Supercopa de Europa (1): 1993.
- Copa da UEFA (1): 1994/95.
- Borussia Dortmund
- Copa Intercontinental (1): 1997.
- Shakhtar Donetsk
- Premier Liha (1): 2001/02.
- Copa de Ucraína (1): 2001/02.
Notas
editar- ↑ "100 años del histórico Parma" (en castelán). 17 de decembro de 2013. Consultado o 30 de abril de 2022.
- ↑ "Nevio Scala rechaza una oferta del Valencia". El País (en castelán). 2 de outubro de 1996. Consultado o 30 de abril de 2022.
- ↑ "Eleccións municipais 2007" (en italiano). 27 de maio de 2007. Consultado o 30 de abril de 2022.
- ↑ "Lega Calcio, accordo con Rai e Mediaset Domenica i gol anche 'in chiaro'" (en italiano). 29 de agosto de 2008. Consultado o 30 de abril de 2022.
- ↑ "Parma, inizia ufficialmente l'era Barilla: "Sarà una storia diversa, mai vista"" (en italiano). 1 de xullo de 2015. Consultado o 30 de abril de 2022.
- ↑ "New club Parma Calcio 1913 approved to play in Serie D" (en inglés). 27 de xullo de 2015. Consultado o 30 de abril de 2022.
- ↑ "PASO A PASO: Parma ha ascendido a la Lega Pro 2 de Italia con tres jornadas de antelación" (en castelán). 17 de abril de 2016. Consultado o 30 de abril de 2022.
- ↑ "Parma, via Apolloni, Minotti, Galassi. Scala lascia. "Amareggiati, altro che calcio diverso"" (en italiano). 22 de novembro de 2016. Consultado o 30 de abril de 2022.