Portal:Hóckey sobre xeo

O hóckey sobre xeo é un deporte de equipo xogado sobre unha pista de xeo entre dous equipos de seis xogadores cada un. Todos os xogadores van en patíns de xeo e empregan un pau ou stick para guiar un disco de caucho denominado puck á portería contraria para anotar un gol. É considerado a principal variedade de hóckey nos países do hemisferio norte con climas fríos, gozando de gran popularidade en países como Canadá (onde se inventou e é considerado o deporte nacional), Finlandia, Suecia, Rusia, República Checa, Eslovaquia, e os Estados Unidos. O hóckey sobre xeo é un deporte olímpico dende os Xogos Olímpicos de 1920. O máximo dominador olímpico é Canadá, con 15 medallas en categoría masculina (9 ouros, 4 pratas e 2 bronces) e 5 en categoría feminina (as mesmas que Estados Unidos, pero con 4 ouros por un das estadounidenses). No Campionato do Mundo o máximo dominador na categoría feminina é Canadá, mentres que na categoría masculina domina a selección de Rusia tras herdar as 34 medallas conseguidas pola Unión Soviética. Amosar máis contido destacado Artigo destacado O Ilves Naiset é un equipo feminino de hóckey sobre xeo fundado en 1971 na cidade de Tampere, Finlandia. Inicialmente tivo que xogar contra equipos masculinos de categoría júnior ao ser o único equipo feminino da cidade, e debutou contra un equipo feminino o 5 de marzo de 1978 en Espoo. Xoga na máxima categoría do hóckey sobre xeo feminino de Finlandia, a Naisten Liiga, dende a súa tempada inaugural en 1982, e conquistaron o seu primeiro campionato finlandés en 1985. En total o equipo proclamouse campión de Finlandia 10 veces, sendo o segundo equipo máis laureado do hóckey sobre xeo finlandés por detrás de Kiekko-Espoo, que conta con cinco campionatos máis. En 2011 converteuse no primeiro e único equipo feminino finlandés de hóckey sobre xeo en conquistar un título continental logo de gañar a sétima edición da IIHF European Women's Champions Cup. Logo de empregar distintas pistas da cidade, na década de 1980 o equipo xogou na pista de xeo de Koulukatu, e en 1989 trasladouse ao recentemente finalizado Tesoman jäähalli como pista para os seus partidos como local, onde xoga dende aquela. O Museo finlandés do hóckey sobre xeo introduciu sete antigas xogadoras do equipo no seu Salón da Fama (coñecido como Suomen Jääkiekkoleijonat, en galego Leóns/leoas do hóckey sobre xeo finlandés), sendo Marianne Ihalainen unha das dúas primeiras mulleres homenaxeadas. O equipo retirou os números 10, 15 e 16 en honor a Anne Haanpää, Johanna Koivula, e a propia Ihalainen. Ademais, tres mulleres do equipo foron homenaxeadas no chamado "Ilves Hockey Legends", no que están incluídas algunhas das personalidades máis destacadas do equipos de hóckey sobre xeo de Ilves, tanto en categoría feminina como na masculina. Categorías Queres atopar artigos relacionados co hóckey sobre xeo? Proba buscando nas seguintes categorías: Hóckey sobre xeo Hóckey sobre xeo por ano Hóckey sobre xeo por país Caixas de información de hóckey sobre xeo Caixas de navegación de hóckey sobre xeo Competicións de hóckey sobre xeo Equipos de hóckey sobre xeo Filmes sobre hóckey sobre xeo Hóckey sobre xeo feminino Hóckey sobre xeo nos Xogos Olímpicos Pavillóns de hóckey sobre xeo Personalidades do hóckey sobre xeo Premios de hóckey sobre xeo Seleccións de hóckey sobre xeo Portal:Hóckey sobre xeo Personalidade destacada Pernell Karl "P. K." Subban, nado en Toronto (Ontario, Canadá) o 13 de maio de 1989, é un defensa profesional de hóckey sobre xeo. Desenvolvendo a súa carreira júnior nos Belleville Bulls da Ontario Hockey League (OHL), Subban foi seleccionado na segunda rolda do draft de 2007 no posto 43 polos Montreal Canadiens, nos que debutaría na tempada 2009-10, mentres competía no equipo afiliado dos Habs, os Hamilton Bulldogs da American Hockey League (AHL). Actualmente é un dos capitáns dos Canadiens. En 2013, gañou o James Norris Memorial Trophy, e foi xunto con Kris Letang como máximo anotador entre todos os defensas. Internacionalmente Subban foi convocado para disputar dous torneos coa selección absoluta do Canadá, sendo a primeira vez no Campionato do mundo de hóckey sobre xeo 2013, conseguindo a 5ª posición, e logo nos Xogos Olímpicos de Inverno de 2014, onde o equipo canadense conseguiu a medalla de ouro. Imaxe destacada Jens Bergenström, Mark Hurtubise e Johan Ryno, do Leksands IF, celebran un gol fronte ao Mora IK en 2014. Vexa o artigo Hockeyallsvenskan Artigos de calidade e bos Artigos de calidade (12) Biografías: Tiny Thompson, Georges Vézina Equipos: Boston Bruins, Montreal Canadiens, Atlanta Flames, Calgary Flames,Ilves Naiset, Quebec Nordiques, Team Kuortane Historia: Historia do Ilves Naiset, Naisten Liiga 2017-2018 Listas: Lista de xogadoras do equipo olímpico de hóckey sobre xeo do Canadá Artigos bos (1) Equipos: Lev Poprad Proxectos relacionados Hóckey sobre xeo Portais relacionados Baloncesto Baloncesto Balonmán Balonmán Deportes gaélicos Deportes gaélicos Fórmula 1 Fórmula 1 Hóckey a patíns Hóckey a patíns Rugby Rugby Proxectos irmáns Wikimedia Commons en Commons