Manuel Eirís Cabeza

Manuel Eirís Cabeza
Biografía
Nacemento	10 de maio de 1930 ; Sofán, España
Morte	23 de outubro de 1992 (62 anos); Carballo, España
Deputado no Congreso dos Deputados
	14 de novembro de 1989 – 23 de outubro de 1992 – Belén do Campo Piñeiro → ; Lexislatura: IV lexislatura de España ; Circunscrición electoral: Circunscrición electoral da Coruña ; Electo en: Eleccións Xerais 1989 en España
Deputado no Congreso dos Deputados
	14 de xullo de 1986 – 2 de setembro de 1989 ; Lexislatura: III lexislatura de España ; Circunscrición electoral: Circunscrición electoral da Coruña ; Electo en: Eleccións Xerais 1986 en España
Actividade
Ocupación	político, veterinario

Manuel Eirís Cabeza, nado en Sofán (Carballo) o 10 de maio de 1930 e finado no mesmo concello o 23 de outubro de 1992,^[1] foi un veterinario e político galego do PPdeG.

Traxectoria

Licenciado en Veterinaria pola Universidade de León. Foi presidente do Sindicato da Gandería durante o franquismo e xerente de GAPER e de Sociedades Agrarias de Transformación. Foi deputado no Parlamento de Galicia na I lexislatura (1981-1985). Foi elixido deputado do Congreso pola provincia da Coruña na III e IV lexislaturas (1986-1992). Foi substituído no Congreso por Belén do Campo Piñeiro en 1992.

Casou con Florinda Puñal Carballo e foi pai de Aurora, Jesús, Ana e Luis Eirís Puñal.

Porteiro, Mª Xosé; Perozo, Xosé A. (1981). Quen é quen no primeiro Parlamento Galego. Vigo: Xerais. pp. 148–150. ISBN 84-7507-044-2.