Ricardo Cao
| Biografía | |
|---|---|
| Nacemento | 1965  (58/59 anos)A Coruña, España |
 Reitor da Universidade da Coruña | |
| 2024 – ← Xulio Abalde | |
| Datos persoais | |
| Educación | Universidade de Santiago de Compostela |
| Director de tese | Wenceslao González Manteiga (en)  |
| Actividade | |
| Ocupación | estatístico, profesor universitario |
| Empregador | Universidade da Coruña (1991–) Universidade de Santiago de Compostela (1989–1991) |
| Membro de | |
| Profesores | Wenceslao González Manteiga (en) |
| Obra | |
| Doutorando | Elisa María Molanes López (en) , Salvador Naya Fernández (en) , Celia Rodríguez Campos (en) , Ángeles Saavedra González (en) , Ignacio López de Ullibarri Galparsoro (en) e María Amalia Jácome Pumar (en) |
| Premios | |
   | |
Ricardo X. Cao Abad, nado na Coruña en 1965,[1] é un estatístico e profesor universitario galego. Profesor da Universidade da Coruña, foi vicerreitor de investigación e transferencia (2012-2016) e reitor da devandita institución (2024-).[2]
Traxectoria
[editar | editar a fonte]Primeiros anos e formación
[editar | editar a fonte]Criouse no barrio coruñés dos Mallos, e realizou os seus estudos primarios e secundarios no Colexio Santo Domingo (Dominicos) da mesma cidade. Tras finalizar alí o bacharelato, iniciou a licenciatura de Matemáticas na Universidade de Santiago de Compostela (1983-1988). Obtivo a máxima cualificación de matrícula de honra na totalidade das materias, o que propiciou a consecución do Primeiro Premio Nacional de Fin de Carreira.
Carreira académica
[editar | editar a fonte]Tras rematar a licenciatura, realizou un doutoramento na mesma universidade con título de tese Aplicacións e novos resultados do método bootstrap na estimación non paramétrica de curvas, baixo a dirección do profesor Wenceslao González Manteiga e co amparo dunha bolsa FPI. A devandita tese foi merecedora do Premio Extraordinario de Doutoramento e derivou, asemade, na publicación[3] en solitario dun capítulo da mesma no xornal científico Annals of Statistics, revista considerada como a máis prestixiosa dentro do ámbito da estatística. Ademais, a investigación realizada durante a tese fíxoo merecedor do premio de investigación novel Ramiro Melendreras[4] do ano 1989, outorgado pola Sociedade de Estatística e Investigación Operativa (SEIO), de carácter estatal.
Posteriormente, en 1991, logrou unha praza de profesor interino de universidade na área de Estatística na Universidade da Coruña e, en 1993, unha praza de profesor titular. En 1999, conseguiu a cátedra de Estatística na mesma universidade.
Durante este último período exerceu diversos cargos e responsabilidades de índole académica e científica como a coordinación da área de Matemáticas da Axencia Nacional de Avaliación e Prospectiva (ANEP) no período 2008-2011, vicerreitor de investigación e transferencia no período 2012-2016 e, finalmente, a súa elección como reitor en 2023 para o período 2024-2029.
Dende marzo de 2020, foi nomeado presidente do Comité de Expertos da Acción Matemática contra o Coronavirus, organismo creado polo Comité Español de Matemáticas (CEMat).[2][5]
É editor asociado da revistas TEST e Computational Statistics.[2]
Investigación
[editar | editar a fonte]Traballou tanto no desenvolvemento teórico da estatística como nas súas aplicacións a diversos ámbitos. En particular, no desenvolvemento teórico, sobre á análise de datos funcionais, análise de supervivencia, bootstrap, datos censurados e truncados, estimación non paramétrica de curvas ou inferencia estatística para big data. En investigación aplicada, destacan as súas aportacións na modelización estatística en ciencia de materiais, xenómica, malherboloxía, neurociencia, modelos de curación, predición ou risco de crédito.
Premios e distincións
[editar | editar a fonte]Dentro dos premios e/ou distincións recibidas durante a súa carreira académica destacan:
- Premio Nacional de Estatística (2023).[6]
- Medalla Enrique Vidal Abascal da Real Academia Galega de Ciencias (2022).[7]
- Medalla da Sociedade de Estatística e Investigación de Operacións (SEIO) (2022).[8]
- Fellow do Institute of Mathematical Statistics (2022).[9]
- Premio SEIO-BBVA á mellor contribución metodolóxica na área de estatística (2021).
- Premio Extraordinario de Doutoramento (1990-1991).
- Premio Ramiro Melendreras (1989).
- Premio Extraordinario de Fin de Carreira (1988).
Notas
[editar | editar a fonte]- ↑ Carneiro, M. (26 de maio de 2023). "Ricardo Cao, candidato a reitor da UDC: «Temos que reflexionar sobre o modelo de universidade que queremos»". lavozdegalicia.es (en castelán). Consultado o 1 de xaneiro de 2024.
- ↑ 2,0 2,1 2,2 Santos, Amara (4 de decembro de 2023). "Elección de Ricardo Cao como rector de la UDC". elespanol.com (en castelán). Consultado o 31 de decembro de 2023.
- ↑ Cao-Abad, R. (1991-12). "Rate of Convergence for the Wild Bootstrap in Nonparametric Regression". The Annals of Statistics 19 (4): 2226–2231. ISSN 0090-5364. doi:10.1214/aos/1176348394. Consultado o 2023-12-31.
- ↑ "Premio Ramiro Melendreras | SEIO" (en castelán). 2021-05-26. Consultado o 2023-12-31.
- ↑ Gabinete de Comunicación da UDC (23 de marzo de 2020). "O investigador da Universidade da Coruña Ricardo Cao, nomeado presidente do comité de expertos da iniciativa “Acción Matemática contra o Coronavirus”". udc.es. Consultado o 1 de xaneiro de 2023.
- ↑ INE (31 de outubro de 2023). "Premio Nacional de Estadística. El INE concede el Premio Nacional de Estadística a Ricardo Cao Abad" (PDF). Instituto Nacional de Estadística (en castelán). Consultado o 31 de decembro de 2023.
- ↑ CITIC (3 de outubro de 2023). "El investigador del CITIC, Ricardo Cao, Medalla de Investigación 2023 de la RAGC por sus contribuciones en las Matemáticas, la Física y las Ciencias de la Computación". citic.udc.es (en castelán). Consultado o 1 de xaneiro de 2024.
- ↑ Malvido, Gemma; Carro, Ana (25 de maio de 2023). "O matemático Ricardo Cao, candidato a reitor polo grupo que goberna a Universidade". laopinioncoruna.es. Consultado o 1 de xaneiro de 2024.
- ↑ Gabinete de Comunicación da UDC (25 de abril de 2022). "O profesor da Universidade da Coruña, Ricardo Cao, único matemático de España que entra no Institute of Mathematical Statistics este ano". udc.es. Consultado o 1 de xaneiro de 2024.
Véxase tamén
[editar | editar a fonte]Ligazóns externas
[editar | editar a fonte]- Currículum vitae (en castelán)
