Saltar ao contido

Silpium Mons

Na Galipedia, a Wikipedia en galego.
Silpium
Captura extraída do programa NASA World Wind que inclúe a Silpium Mons.
Tipo de accidente xeolóxico Mons
Accidente xeolóxico de Ío
Diámetro 114,54 km km[1]
Extensión 7.073 km²[2]
Altitude 5,6 km[2]
Coordenadas 52,71° S 272,34° O[1]
Procedencia do nome Lugar onde (segundo algunhas fontes), Ío morreu dunha fonda pena.[1]

Silpium Mons é unha montaña da lúa de Xúpiter, Ío. Segundo a U.S. Geological Survey ten un diámetro medio de 114,54 km[1], aínda que a Io Mountain Database dálle un longo de 113 km por 79,7 km de ancho e unha altura de 5,6 km.[2] Cobre unha área duns 7.073 km2 e está situado nas coordenadas 52,71° S 272,34° O . É coma unha crista estriada, é dicir, unha estrutura elevada dominada por un prominente cumio ou cumios lineais, ou cumios en agulla. O seu nome provén do lugar onde segundo algunhas fontes, Ío morreu dunha gran pena. O seu nome foi adoptado pola Unión Astronómica Internacional no ano 1979. Está situado ó sur de Svarog Patera, ó norte de Mithra Patera, e o nordeste de Viracocha Patera.[3] A súa proximidade a Svarog e Viracocha Paterae suxiren que podería existir unha conexión estrutural entre as montañas de Ío e as súas caldeiras.[4]

Notas

[editar | editar a fonte]
  1. ↑ 1,0 1,1 1,2 1,3 USGS : Gazetteer of Planetary Nomenclature (ed.). "Planetary Names: Mons, montes: Silpium Mons on Io". Consultado o 18-08-2010. 
  2. ↑ 2,0 2,1 2,2 planetologia.elte.hu (ed.). "Io Mountain Database". Consultado o 18-08-2010. 
  3. ↑ NASA World Wind 1.4. NASA Ames Research Center, 2007.
  4. ↑ Harland, David M. (2000). Jupiter Odyssey: The Story of NASA's Galileo Mission. Springer. ISBN 1852333014. p. 353

Véxase tamén

[editar | editar a fonte]

Outros artigos

[editar | editar a fonte]
Traído desde «https://gl.wikipedia.org/w/index.php?title=Silpium_Mons&oldid=6476971»