Jennie Finch

Jennie Lynn Finch Daigle (born September 3, 1980) is be American former softball player. She play give Arizona Wildcats softball team from 1999 go 2002, wey she win de 2001 Women's College World Series wey dem name am collegiate All-American. Later, she lead United States women's national softball team win gold medal for de 2004 Summer Olympics den de silver medal for de 2008 Summer Olympics. She still pitch for Chicago Bandits of de National Pro Fastpitch from 2005 go 2010.

Finch get rank for chaw categories for both Wildcats for de Pac-12 Conference den NCAA Division I insyd, wey dem name am #2 Greatest College Softball Player. She be de National Pro Fastpitch career leader for WHIP wey she be National Softball Hall of Fame. Tucson, Arizona sportswriters rank am as #1 Best Arizona Wildcats Softball Player; pick am as #5 Best NCAA Pitcher All-Time den Pac-12 choose am for de All-Century Team as pitcher.

Time magazine talk say she be de most famous softball player for history insyd. For 2010 insyd, Finch retire from softball so say she go fi focus ein family top. For August 2011 insy, she start work for ESPN as color commentator for National Pro Fastpitch den college softball games.

Ein Early life den education

Dem born Jennie for La Mirada, California. Finch get two older brothers, Shane den Landon Finch. Dem born all for California. She start cey play softball for age five den pitching for age eight. Na ein poppy be ein first pitching coach. As she dey grow up, na Finch be bat girl give University of California, Los Angeles. For La Mirada High School, Finch letter four tyms for softball insyd den twice each for basketball den volleyball insyd. As senior, na she be captain give all de three sports. As sophomore, na she be All-California Interscholastic Federation Division II choice for softball den All-Suburban League selection. For 2016 insyd, La Mirada retire ein jersey number—de school ein first for softball player.

University of Arizona

Finch major for communications insyd.

Freshman

Finch start ein career for February 5, 1999 insyd, wey she win sam run-rule game against de UIC Flames. She achieve sam career high for doubles insyd wey she throw ein first career no-hitter for de NCAA tournament tym insyd for May 22 vs. de Texas State Bobcats. Though dem make de World Series, DePaul Blue Demons comot Finch den de Wildcats for May 29 insyd.

Sophomore

For ein sophomore year insyd, dem name Jennie Finch as 2000 National Fastpitch Coaches Association First Team All-American den First Team All-Pac-10. She sana throw three no-hitters den lead de Wildcats for home runs den slugging percentage wey she achieve sam career best for hits den batting average. Finch start de year plus 21 consecutive game win streak; for 10–2 run-rule ova de Southern Miss Golden Eagles for February 6 insyd for sam shutout win ova Cal State Northridge Matadors April 13. After say she suffer ein only losses for back-to-back games, Finch finish de year 8–0 starting sam new streak plus sam April 29 victory vs. de Oregon Ducks wey go span de next two seasons. Na Finch ein 23rd den 29th winsbe ova de No. 1 Washington Huskies, de latter start sam 35 scoreless inning streak, after say she allow runs for de fourth inning she shutout de team de rest of de way for sam 4–2 margin for May 27 insyd.