Baranoa

Baranoa
Munisipalidad ti Colombia
Wagayway
Baranoa
Nagsasabtan: 10°47′44″N 74°55′10″W
Pagilian	Colombia
Napundar	Hulio 26, 1543
Gobierno
• Daulo	Roberto Celedón
Kalawa
• Dagup	127.00 km2 (49.03 sq mi)
Kangato	118 m (387 ft)
Populasion  (2005)
• Dagup	50,261
• Densidad	400/km2 (1,000/sq mi)
Website	www.baranoa-atlantico.gov.co

Ti Baranoa ken ti maysa a munisipalidad ken ili ti Colombia iti departamento ti Atlántico, a mabirukan iti 22 km iti abagatan ti Barranquilla.

Heograpia

Sakupen ti munisipalidad iti kalawa iti 127 km², a mairaman ti away, urbano, suburbano ken nasalakniban a daga.

Masibugan ti Baranoa babaen dagiti nadumaduma a waig a mairaman ti Santa Rosa, Campeche, Dakkel a waig ken ti Adalem a waig.

Demograpia

Ti Baranoa ket addaan kadagiti 55,178 nga agtataeng (senso idi 2006 ). 82.63% kadagitoy ket naikonsentrado iti urbano a lugar ken 17.37% kadagiti lugar ti away.

Pakasaritaan

Maysa idi nga indihenio a pagtaengan ti Baranoa a mabirukan iti asideg ti Dakkel a Waig (Arroyo Grande) idi pinarukma daytoy dagidi Espaniol babaen ti bilin ni Don Pedro de Heredia idi 1534.

Idi Oktubre 1543, daytoy ket minatonan idi babaen ti Balangat nga Espaniol ni Hernando Dávila. Dagiti adu pay a komendasion ket naited kada Inés de Mendoza (1556), Hernando De la Salas (1568) ken José De las Salas (1609). Nagbilin ni Birey Sebastian de Eslava iti repormasion ti ili idi baetan ti 1744 ken 1745. Kas nagbanagan, nagbalin daytoy a pagtaengan dagidi 39 a pamilia ti Espaniol, ken nangpartuat iti Parokia ti Santa Ana ti Baranoa.

Idi 23 Oktubre 1856, napartuat ti munisipalidad ti Baranoa, a naibatay iti bilang dagiti agtataeng ken agpang ti panagdur-as. Ti kategoria ti munispalidad, ken dagiti pay pagbeddenganna, ket napasingkedan idi 16 Disiembre 1964.

Ekonomia

Dagiti aktibidad ti ekonomia ket maipatengnga iti panagtaraken iti baka, panagmula iti mais, balinghoy, kapas ken panagtalon iti sarguelas. Ti piesta ti sarguelas ket mapasamak iti akin-amianan a Colombia. Mamina pay dagiti mineral ti Kalsita ken landok.

Dagiti nagibasaran

• (iti Espaniol) Website ti Munisipalidad ti Baranoa