Eiríksjökull
Eiríksjökull er móbergsstapi og jökull (jökulskjöldur) er rís austan Strúts sunnan Hallmundarhrauns og vestan Langjökuls. Hann er 1675 m á hæð og u.þ.b. 40 ferkílómetrar að flatarmáli, stærstur fjalla hér slíkrar gerðar. Sjálf gangan á jökulinn er dagsverk en hentugt er að ætla til þess þrjá daga að meðtöldum ferðum til og frá jöklinum. Ráðlegt er að leggja af stað snemma dags og hætta við ef veður eru ekki eins og best verður á kosið. Leiðin er vel fær en óvönum er bent á Ferðafélag Íslands. Áður var jökullinn kallaður Baldjökull en farið var að nefna hann sínu núverandi nafni upp úr 1700, ventanlega fyrir áhrif frá fjallinu Eiríksgnípu. Sú nafngift er síðan þoku sveipuð og aðeins til gruggugar munnmælasögur um útilegumann sem slapp þangað upp og gaf þar með fjallinu sitt nafn.
| Eiríksjökull | |
|---|---|
 Jökullinn frá Hálsasveit. | |
| Hæð | 1.672 metri |
| Land | Ísland |
| Sveitarfélag | Borgarbyggð |
 | |
| Hnit | 64°46′24″N 20°24′34″V / 64.7733°N 20.4094°V |
| breyta upplýsingum | |
Heimildir
breyta- Björn Hróarsson (1994). Á ferð um landið, Borgarfjörður og Mýrar. Mál og menning. ISBN 9979-3-0657-2.
