Johny Fonck
| Johny Fonck | |
|---|---|
| Gebuer | 30. November 1920 |
| Gestuerwen | 17. Juli 2008 |
| Nationalitéit | Lëtzebuerg |
| Aktivitéit | Foussballspiller, Liichtathleet |
| Positioun oder Spezialitéit | Mëttelfeldspiller |
| Huet matgemaach bei | Olympesch Summerspiller 1952 |
 | |
De Jean Fonck oder Johny Fonck, oder och nach Johnny Fonck, gebuer den 30. November 1920 zu Beggen, a gestuerwen de 17. Juli 2008 an der Stad Lëtzebuerg, war e lëtzebuergesche Foussballspiller[1], Liichtathleet an Olympionik.[2]
Hien hat bis virum Zweete Weltkrich fir d'Spora Lëtzebuerg gespillt. Nom Zweete Weltkrich ass hien op Lyon geplënnert, wou en fir den FC Lyon als Mëttelfeldspiller gespillt huet, a gläichzäiteg Trainer war. Hien huet den 10. Mäerz 1940 fir déi lëtzebuergesch Foussballnationalekipp gespillt.[3]
Hien huet Lëtzebuerg am Hürdelaf op den Olympesche Summerspiller 1952 zu Helsinki vertrueden.[4] Hie war de Lëtzebuerger Rekordhalter am Hürdelaf iwwer 110 m (1947 - 1958), iwwer 200 m (1949 - 1960) an iwwer 400 m (1949 - 1960).
1952 bei den olympesche Spiller, huet hien de Josy Barthel betreit.
1953 huet hie sech mat der Cécile Barthel, der Schwëster vum Josy Barthel, bestuet.
Auszeechnungen
[änneren | Quelltext änneren]- Chevalier de l'Ordre de Mérite du Grand-Duché de Luxembourg[5]
Kuckt och
[änneren | Quelltext änneren]
Portal Sport- Lëscht vu lëtzebuergesche Sportler
- Lëscht vu lëtzebuergeschen Olympionicken
- Lëtzebuergesch Sportler vum Joer
Referenzen
[Quelltext änneren]- ↑ De Jean Fonck op der Websäit Weltfussball.de
- ↑ De Johny Fonck op der Websäit sports-reference.com
- ↑ D'Lëscht vun de Lännermatcher vum Jean Fonck op der Websäit vun European Football
- ↑ De Johny Fonck op der Websäit vun der 'Association Luxembourgeoise des Olympiens'
- ↑ 30-06-2008: Promotion dans les ordres nationaux »: Les anciens « Olympiens » luxembourgeois à l'honneur