Atina

Atina

Pais

Elas

Rejion

Area

411 717 km²

Popla

3 158 400 ab. (2011)

Densia

19,133 abitores/km²

Atina (Αθήνα en elinica) es la capital de Elas. La nom veni de la diva Pallas Athena (Παλλὰς Ἀθηνᾶ), ci coresponde a la diva roman Minerva.

Atina clasica ia es un site-stato potiosa ci ia emerji junta a la developa de la porto de Pireo, cual ia es un site diferente ante sua corpora a Atina en la sentenio 5 aec. Un sentro per la artes, aprende e filosofia, casa de la Academia de Plato e la Liseo de Aristotele, lo es refereda como la cuna de la sivilia ueste e la loca de nase de democratia, xef par sua efeto political e cultural en la continente european, e xef en la romanes. Oji, Atina es un urbe de la mundo e sentro de la vive economial, industrial, finansial, maral, political e cultural de Elas. En 2012, Atina ia es la site 39 plu rica en la mundo par potia de compra e la 67 plu cara seguente un studia de UBS.

Atina es un de la sentro economial plu grandes en Europa sude-este. Lo ave un grande setor finansial, e sua porto Pireo es la plu grande porto de pasajores en Europa e la plu grande en la mundo. La munisipa de Atina ave un cuantia de abitores 664 046 (2011) con sua fronteras manejal, e un area de 38,96 cilometres cuadrida. La area urban de Atina estende ultra sua limitas munisipal, con un cuantia de abitores de 3 090 508 (2011) sur un area de 412 cilometres cuadrida.

Istoria

Atina ia es un site potiosa en la Anticia. Lo ia es conoseda par la avansas en siensa cual aveni ala. Lo ance ia ave sua propre constituida. Atina ia ance crea la democratia un conoseda en la mundo.

La site ia comensa a declina en 529, cuando la imperor Justiniano 1 ia clui sua scolas filosofial. La Partenon ia deveni un eglesa cristian. Esta ia salva lo de destrui a pos de templos noncristian, en tempos de teocratia.

La osmanianes ia controla Atina en 1458 e la Partenon ia deveni un mascita. Lo ia es danada en 1687 cuando polvo negra ia esplode en lo.

Museos

La museos la plu importante de Atina es:

Museo Arceolojial Nasional
Museo Benaki
Museo Cristian e Bizantian
Museo Numismatial
Museo de la Acropoli
Museo Arceolojial Keremeikos
Museo Iudi de Elas

Lia esterna

Paje ueb ofisial

	Sites capital de Europa
	Amsterdam \| Andorra la Vella \| Atina \| Beograd \| Berlin \| Bern \| Bratislava \| Bruxelles \| Bucuresti \| Budapest \| Chisinau \| Ciiv \| Dublin \| Helsinki \| Ierevan \| Kobenhavn \| Lisboa \| Ljubljana \| London \| Luxemburg \| Madrid \| Minsk \| Monaco \| Moscva \| Nicosia \| Oslo \| Paris \| Podgorica \| Praha \| Reykjavik \| Riga \| Roma \| Sarajevo \| San Marino \| Site Vatican \| Skopje \| Sofia \| Stockholm \| Tallinn \| Tbilisi \| Tirana \| Vaduz \| Valletta \| Vilnius \| Warszawa \| Wien \| Zagreb