Jano

Un sculta roman de Jano, con sua du fases

En la relijio e mitolojia de Roma antica, Jano (latina: IANVS) es la dio de dualia, comensas e finis, tempo, portes, portones, e pasajes cambias. El is tipal imajida con du fases, sujestante ce el regarda la futur e la pasada. La plu de persones suposa ce la mense de janero es nomida per Jano, ma seguente almanacos de cultivores roman, Juno ia es la diva de la mense. Nota ce la calendario roman ia comensa con marte, no janero.

Jano preside sur la comensa e fini de disputas, e donce de gera e pas. La portones de construidas en Roma nomida per el ia es abrida en periodos de gera, e cluida per la ariva de pas, cual no aveni frecuente. Nota ce la portones ia es encluis abrida con portones a ambos lados. Como la dio de cambias, el ia ave funsionas cual pertina a nase, e en sua asosia con Portunus, un dio simil de portos e portones, el ia es consernada con viajas, intercambias, e barconis.

Jano no ia ave pretes asiniada a el, ma la rex sacrorum ("re de la rituos santa") mesma ia condui sua rituos. Jano ia es clamada en la plu de rituos relijiosa tra la anio, a la comensa de la rituos, sin relata a la divin xef onorada alora.

La elinicas antica no ia ave un dio paralel a Jano, ci la romanes ia alega ia es sola la sua propre.