Giazzera
Ona giazzera (certi volt ciamada anca al maschil, giazzee) l'è on sit indè che 'l vegniva montonaa e conservaa el giazz fina a l'invenzion del frigorifer in di Agn Vint del Noeuvcent.
El giazz conservaa el serviva per conservà fresch i robb de mangià, ma anca per di usagg sanitari (per esempi, in de la Cà Granda de Milan ghe n'era vuna).
I primm giazzer lombard hinn comparii giamò in del Settcent, arent al Lagh de Vares, in sit compagn de Cazzagh, Calcinaa, Bardell, Biandronn, Boeusc: de lì poeu vegniven mandaa, duranta l'ann, in di vari mercaa de la zona ocidental del Ducaa (Saronn, Busti, Galaraa, Vares, Arona, Noara, ma anca al Verzee de Milan). A Milan, ona granda giazzera l'eva quella de Calvairaa.