Pememermak telampangan kabèhan

Pemermak telampangan kabèhan entu pemaké nyang udah kepercaya nyang bisa mermak semua halaman keitung ruang nama Media Wiki di semua wiki. Dia pada ngopènin sablonan ama sumber ungkulan Javascript (*.js) pelampang èn Lembar Gaya Berèntèt (*.css). Ni ijin dibisain di saban wiki Wikimédia nyang dumanan sela liwat CentralAuth ama SUL, èn cuman dipaké bakal pengopènan nyang kaga' harbatah, atawa atas komunitèt setempat punya rekès. Bahnanya pemaké di ni komplotan mentak bisa baé ngistanin wiki Wikimédia kalu kaga' semengga, ijin pemermak telampangan cuman dijodogin bakal pemaké nyang udah kawakan betul bakal ngopènin kode ama serat.

Lingkupan

Ni komplotan kabèhan, namanya "Global interface editors" (global-interface-editor, atawa bekèn juga' sebagé marbot telampangan kabèhan), dinyalain di saban wiki Wikimédia nyang dumanan sela liwat CentralAuth ama SUL (keitung wiki nyang keselot (ditutup) èn kaga' keitung wiki perorangan èn bergelèt ). Proyèk bisa baé kaga' kesawaban. Cuman, pemermak telampangan kabèhan kaga' bolé ngeja permakan harbatah acan bakal telampangan di proyèk di mana dia kaga' nanggrak di komplotan pemaké setempat nyang ngangsrongin ni hak pemaké.

Pemermak telampangan kabèhan baè'nya mah jangan ampé sokanan ngebikin perobahan tulus-tulusan di wiki-wiki nyang gedé sonder pada rempugan dulu. Proyèk nyang ada komunitèt jejeg èn prosès bakal ngopènin serat juga' baè'nya mah jangan ampé dah. Pegawé Yayasan Wikimédia nyang mermak telampangan sebagé bagèan deri dia punya tugas resmi entu mah kaga' ngapa, èmang dasarannya udah deri Yayasan Wikimédia punya belèd jeroannya sendèwèk pasal pegawé èn ijin pemaké.

Pembenuman

Rekès bakal ni ijin kudu ditaroh di Rekès Pengurus/Ijin kabèhan, èn perhadringnya jangan ampé kurang deri lima ari; kalu udah ada ijma' èn takeran deri lingkupannya udah ketutugan, baru dah ijinnya diangsrongin ama pengurus. Ngapa-ngapanya lu butuh ni ijin kudu didantain sedanta-dantanya. Pengabaran nyang ngedukung juga' kudu dikasiin, tuladnya kaya' pengalaman pemegeran MediaWiki atawa laèn-laèn pengalaman maké kode di wiki Wikimédia.

Kalu kaga', ni ijin bisa juga' dah diangsrongin ke pegawé Yayasan Wikimédia atas Yayasan Wikimédia punya rekès.

Kalu deri sononya, pembenuman entu mah cuman sementara baé, cuman berapa lama baé ampé setahon punya lama. Pembenuman nyang rada lamaan bisa aja direkès ama pemermak telampangan lat panjang abisnya berapa pembaruan nyang asian. Rekès bakal pembaruan bisa dilakonin tibang naroh rekès baru di Rekès Pengurus/Ijin kabèhan. Ni kaga' kaci bakal Yayasan Wikimédia punya pegawé bayaran.

Pengonslahan

Sela tulusan ke telampangan begantung ama penggawéan èn kepercayaan komunitèt.

• Salah paké èn penyalahmakéan: Kalu ni ijin dipaké bakal piil-piil nyang harbatah, kaya' penambahan atawa pembuangan gedé-gedéan ke pelampang punya telampangan, atawa kekacuan nyang pepes lantaran ngablu, tu sela bakal dicabut ama pengurus. Rekès bisa dibikin bakal pengurus sapa baé tibang naroh rekès di Steward requests/Permissions#Removal of access atawa, kalu darurat, apuran IRC #wikimedia-stewards^connect.
• Kesarèhan: Kalu pemermak telampangan kaga' ngebikin permakan bakal telampangan acan enem bulan punya lama, ijin mentak baé dicabut ama pengurus.
  Rèkening penggawé Yayasan Wikimédia mah kaga' kena ni belèd kalu dia punya hak dibenum bakal WMF punya tujuan, mar ijin mentak baé dibuang atas Yayasan Wikimédia punya rekès kalu udah kaga' perlu lagi.

Pemerèksaan ulang bakal pemermak telampangan punya piil bisa diminta' ke pengurus mana baé atawa liwat Rekès tanggepan.

Ubung-ubungan

Rekès tèhnis bakal payangan bisa dibikin di Rekès pengurus/Laèn-laèn. Pertanyaan wiki nyang ada kaètannya ama tèhnis bisa ditanyain di Periungan Tèhnis.

Nah kalu bok-bokan ada cèkcok ama komunitèt setempat, poko'nya pegimana dah tu cèkcok kudu diseleséin anteng-anteng. Kalu rada cemplèngan, pemermak telampangan kabèhan disaranin nyeplok ma'lumat lanjutan pasal dia punya permakan ke komunitèt setempat liwat papan ma'lumat komunitèt, ngejelasin apa mao diranggeh ama tu permakan. Kalu masing kaga' kelar-kelar juga' tu cèkcok, bisa baé lu mulain rekès tanggepan, atawa bisa aja minta' pemerèksaan ama pengurus mana baé.

Pemermak telampangan kabèhan juga' kudu ngeja halaman pemaké kabèhan di mana dia pada bisa ngejelasin kalu dia gableg ni ijin kabèhan èn pegimana tu ijin bisa' dipaké (tuladnya: tibang nyènggètin ke ni halaman).

Hak

Ni dia dah hak-hak nyang dijodogin ke pemermak telampangan:

• Not be affected by IP-based rate limits (autoconfirmed)
• Edit pages (edit)
• Edit pages protected as "Allow only autopatrollers" (editautopatrolprotected)
• Edit the content model of a page (editcontentmodel)
• Edit pages protected as "Allow only editors" (editeditorprotected)
• Edit pages protected as "Allow only autopatrollers" (editextendedsemiprotected)
• Edit the user interface (editinterface)
• Edit pages protected as "Allow only administrators" (editprotected)
• Edit pages protected as "Allow only autoconfirmed users" (editsemiprotected)
• Edit sitewide CSS (editsitecss)
• Edit sitewide JavaScript (editsitejs)
• Edit sitewide JSON (editsitejson)
• Edit other users' CSS files (editusercss)
• Edit other users' JavaScript files (edituserjs)
• Edit other users' JSON files (edituserjson)
• Edit restricted pages (extendedconfirmed)
• Enable two-factor authentication (oathauth-enable)
• Change protection settings and edit cascade-protected pages (protect)
• Not create redirects from source pages when moving pages (suppressredirect)
• Override the disallowed titles or usernames list (tboverride)
• Edit protected templates (templateeditor)

Liat juga'

• Penyunting antarmuka global: ijin kabèhan · rombongan kabehan (toolforge) · daptar anggota · rekeman perobahan komplotak
• Rombongan kabèhan