Marunggai

Marunggai adolah jenis tanaman sagudang manfaaik yang barasa dari suku tumbuahan Moringaceae mampunyoi namo lain Moringa Oleifer dalam bahaso Indonesia disabuik Kelor. Marunggai marupokan tanaman nan bisa tumbuah subur sacaro capek, bisa tumbuah dalam wakatu nan lamo atau baumua panjang, bisa tumbuah didataran tinggi baiak didataran randah. Biasonyo marunggai ditanam di parak, ado juo nan mananam marunggai untuak dijadian paga ladang.

Klasifikasi Ilmiah Marunggai

Kingdom : Plantae

Divisio : Magnoliophyta

Class : Magnoliopsida

Marunggai adolah jenis tanaman sagudang manfaaik yang barasa dari suku tumbuahan Moringaceae mampunyoi namo lain Moringa Oleifer dalam bahaso Indonesia disabuik Kelor.

Ordo : Brassicales

Famili : Moringaceae

Genus : Moringa

Spesies : Moringa oleifera L.

Panjalehan Tentang Marunggai

Marunggai marupokan salah satu tumbuahan yang mampunyoi banyak kagunoan tarutamo dalam bidang kesehatan. Biasonyo marunggai tumbuah lia diparak-parak jo ditapi jalan. Tapi kiniko lah mulai jarang kito tamui. Kiniko lah banyak pulo urang nan mambudidayakan tumbuahan marunggai ko. Marunggai tumbuah barupo samak  jo batang, tinggi batangnyo bisa mancapai 7-11 meter, leba batangnyo kiro-kiro 30 Cm. Kayu dari batangnyo ko marupokan jenis kayu lunak sarato kualitas kayunyo randah.

Daun dari marunggaiko dketek saketek ujuang jari, daunnyo agak basirip tapi ndak bagitu jaleh. Halaian daunnyo bawarna ijau tuo pucuaknyo bawarna ijau lunak. Bantuak daunnyo bulek agak lonjong, panjang daunnyo 2-3 Cm, leba daunnyo 4Mm - 1 Cm. Kulik aka dari marunggai agak babaun bawarna agak coklat, jenis akanyo aka tunggang. Marunggai babuah kalau lah baumua 12-18 bulan.

Sejarah Singkek Marunggai

Marunggai mulai dimanfaaikan sakitar 2000 tahun SM atau 5000 tahun silam di India utara. Marunggai disangko barasa dari Agra jo Oudh nan talatak di Himalaya (India). pado maso itu masyarakaik kuno India alah mambudidayakan tanaman Marunggai ko. Karano banyaknyo tadapek minyak nabati didalam incek marunggai ko nan digunoan untuk ubek.

Kandungan yang Tadapek Dalam Marunggai

1. Vitamin A

2. Vitamin C

3.  Flavonoid

4. Fitosterol

5. Kalsium, Potasium, jo Kalium

6. Zat Basi

Kagunoan Marunggai

1. Untuak ubek

2. Untuak bahan makanan

3. Untuak kecantikan

4. Untuak dijadian teh

5. Untuak dijadian sayua atau gulai

Manfaaik Marunggai

Dalam Kesehatan

1. Mencegah Kanker

2. Manyihekan Mata

3. Manurunan Kadar Gulo

4. Antioksidan

5. Manurunan Kolesterol

6. Gizi untuak Ibu Menyusuan

7. Manyihekan Pancernaan

8. Manjago Fungsi Utak

9. Manyihekan Tulang

10. Maubekan Asma

11. Mancegah Gangguan Ginjal

Dalam Kecantikan

1. Mancegah panuoan

2. Mangatasi bibia karing

3. Mancerahkan kulik

4. Mangatasi jirawek

5. Mampaketek pori-pori

Produk nan didapek dari olahan marunggai

1. Kapsul

2. Teh

3. Ekstrak daun marunggai

4. Masker untuak muko