Епир (област)

Оваа статија се однесува на административната област Епир. За други значења видете Епир.

Епир Περιφέρεια Ηπείρου
Главен град	Јанина
Окрузи	Арта Јанина Превеза Теспротија
Население	358.698 (2005)
Површина	9.203 км²
Густина	39 жит/км² Податоци...
Портал	www.roe.gr

Епир (грчки: Ήπειρος) — област во северозападна Грција. Се граничи со Западна Македонија и Тесалија на исток, Централна Грција на југ, Јонското Море и Јонските Острови на запад, додека на север граничи со Албанија. Провинцијата зафаќа површина од 9.200 км². Другиот дел од Епир е во Република Албанија.

Територијално-административна поделба на Епир

Епир е поделен на четири подобласти, наречени „номи“' (грчки: νομοί), кои пак, од своја страна се поделени на општини наречени „дими“ (грчки: δήμοι). Четирите општини се Теспротија, Јанина, Превеза и Арта.

Демографија

Во грчкиот Епир живеат околу 350.000 луѓе. Најголем дел од населението се Грци, но има и Власи и Албанци. И тие, како и Македонците не се признати како малцинство, па затоа нивниот точен број не може да се утврди.

Географија и екологија

Релјефот во грчкиот дел од Епир е карпест и планински. На исток од Епир е планината Пинд. Поголем дел од Епир лежи на заветрената страна од планината Пинд, а тоа е причината што овој регион е еден од најдождливите во Грција. Климата на Епир е главно алпска. Растителността се состои воглавно од грмушести растенија, додека фауната е претставена со мечки, волци, лисици, срни и рисови.

Стопанство

Од економски аспект, Епир е сиромашна област, со мала индустрија. Поради карпестиот терен, земјоделството е отежнато. Тутунот се одгледува околу Јанина, а развиен е риболовот. Сепак, поголемиот дел од храната се увезува од плодните региони на Грција.