Knoepbees

De knoepbees of knoeper(d) (Ribes uva-crispa) beheurt net as de witte, rooie en zwarte bees tot 't geslacht van de jodeboorn. De knoepbees vormt een stekelige struuk.

Naost de teelt komt de knoepbees in Nederland oek in 't wild veur. De knoepbees komt van oorsprong veur in Europa, Noordwest-Afrika en Zuudwest-Azië.

De knoepbees staot in bleui in april en het dan greunachtige of vuulpaorse bloemen. De vrucht is een kaole of mit klierachtige borstels bezette bees en het riep een greune, gele, rooie of roodpaorse kleur. De struuk wort één tot drie meter hoog en het estekelde takken.

Rassen

Early Sulphur (oek wè: ruge gele) - riep eind juni of begin juli
May Duke - riep begin juli
Whinham's Industry - riep in de eerste helft van juli
Golda
Goudbal
Invicta
Pax
Crown Bob (oek wè: 's leintese blonde)
Whitesmith (oek wè: Engelse witte)
Rosko
Achilles
Captivator

Inhoudsstoffen

Per 100 gram vaars predukt:

	Greun	Geel	Rood
Energieweerde	44 kcal/184kJ	28 kcal/118kJ	44 kcal/184kJ
Koolhydraoten	8,8 gram	6,0 gram	8,8 gram
Eiwit	0,8 gram	1,0 gram	0,8 gram
Vet	0,15 gram	0,10 gram	0,15 gram
Caroteen	0,21 mg	0,10 mg	0,21 mg
Vitemine C	35 mg	30 mg	35 mg
Vitemine B1	0,16 mg	0,02 mg	0,16 mg
Vitemine B2	0,02 mg	0,01 mg	0,02 mg
Calcium	29 mg	30 mg	29 mg
Iezer	0,63 mg	1,00 mg	0,63 mg

Nedersaksisch

Achterhooks:
- kruusbesse, kruusbeaze
Drèents:
- kriebeze (Ni'jlusen)
- krudoorn, kruusdoorn
- kruusbeze, kruzebeze
Grunnegs: krudoorn
Stellingwarfs: kruloorn
Urkers: kreuzebullem
Veluws:
- knoepbees
- stek(k)e(l)beze, -bieze, -bèze
- stik(ke)bèze (Klanenbeek, Apeldoorne)
- knoeper(d)
- klapbees, (Niekark), -bèze (Apeldoorne)
- knapbees (Niekark)
- kriestebieze (Elburg)
- krissebeze (Epe), krissebèze (Apeldoorne)
- kressebèze (Apeldoorne)

Foto-uutstalling

Uutgaonde verwiezing

SoortenBank.nl - beschrieving en ofbeeldingen

Commons: Knoepbees - plaatjes, filmkes en/of gelüüdsbestanden.

Disse pagina is eschreven in 't Putters