Laandnommer

Et laandnommer is dat diel van et tillefoonnommer dat verwiest naor een specifiek laand. Bie et bellen naor et butenlaand wodt in et keuzen nommer et laandnommer veurofgaon deur de internationaole toegaangskode.

Naost de laandnommers die naor lanen wiezen, bin d'r ok speciaole laandnommers.

De wereld is opdield in 9 regio's: Noord-Amerike (1), Afrika (2), Europa (3 & 4), Zuud-Amerike (5), Australië en Antarktika (6), Oost-Europa (7), Azië (8), Midden-Oosten (9).

Alle lanen bin vervolgens veurzien van een eigen laandnommer.

Zoas mit alle tillefoonnommers kan een laandkode niet een veurvoegsel wezen van een aandere laandkode, dus bi'jgelieks omdat d'r een laandkode 7 is (veur Ruslaand en Kazachstan), kan de laandkode 71 niet meer toekend wodden.

Laandkodes wodden bi'jtieden wiezigd. Doe laandkode 37 van Oost-Duutslaand vriekwam nao de verieniging mit West-Duutslaand, wodden de kodes 370–379 toekend an verschillende lanen die nog gien eigen laandkode hadden, zoas Andorra en lanen die votkwammen uut de veurmaolige Sovjet-Unie.