Coronaviridae: Ünnerscheed twischen de Verschonen

Coronaviren könnt sik vun de [[Genetik]] her bannig slank ännern un enkelte Aarden mank de Coronaviren könnt över de [[Aardengrenz (Epidemiologie)|Aardengrenz]] wegjumpen un up en ganze Reeg vun [[Weert (Biologie)|Weerten]] övergahn. Dör düt Övergahn vun een Aart up en anner sünd bi Minschen unner annern [[Infektschoon|Infektschonen]] mit dat [[SARS-assozieert Coronavirus|SARS-assozieerte Coronavirus]] (SARS-CoV) un dat [[MERS-CoV|''Middle East respiratory syndrome coronavirus'']] (MERS-CoV) tostanne kamen. Ok de [[COVID-19-Pandemie]], de [[2019]] in de [[China|chinees’sche]] Stadt [[Wuhan]] upkamen weer, warrt torüchföhrt up en Coronavirus, wat bit dorhen unbekannt weer un den neen Naam [[SARS-CoV-2]] kregen hett.<ref>[http://www.xinhuanet.com/english/2020-01/09/c_138690570.htm ''New-type coronavirus causes pneumonia in Wuhan: expert.''] Up: ''xinhuanet.com'' vun‘n 9. Januar 2020.<br /> [https://www.who.int/csr/don/05-january-2020-pneumonia-of-unkown-cause-china/en/ WHO: ''Pneumonia of unknown cause – China.''] Disease Outbreak News vun‘n 5. Januar 2020.</ref> Bi [[Homo sapiens|Minschen]] sünd en Reeg vun Coronaviren de Grund vun allerhand [[Süke]]n, dat geiht los, wenn he sik bloß [[Respiratoorsche Infektschoon|verkullt]], man ok wenn he en [[Swaar akut Atenwegsyndrom]] kriggt. Alltohopen sünd in’n Momang (Februar 2020) seven Coronaviren bekannt, de Minschen krank maken könnt: Neven SARS-CoV(-1), SARS-CoV-2 un MERS-CoV noch [[Human coronavirus HKU1|HCoV-HKU1]], [[Human coronavirus NL63|HCoV-NL63]], [[Human Coronavirus OC43|HCoV-OC43]] un [[Human Coronavirus 229E|HCoV-229E]]. De lesten veer Viren maakt avers nich so duchtig krank, as de annern.<ref>Kristian G. Andersen, Andrew Rambaut, W. Ian Lipkin, Edward C. Holmes, Robert F. Garry: [http://virological.org/t/the-proximal-origin-of-sars-cov-2/398 The Proximal Origin of SARS-CoV-2], up: virologica.org, Born: ARTIC Network, 17. Februar 2020</ref>

 

 

==Belege==