Alva Myrdal

Alva Myrdal, (Vörlaag:IPA2), geb. Reimer (* 31. Januar 1902 in Uppsala; † 1. Februar 1986 in Danderyd) weer en sweedsch Soziologin un Politikerin. Hör wurr 1982 de Freedensnobelpries tospraaken.

Alva Myrdal (1968)

Leven

Alva un Gunnar Myrdal in dat Arbeitszimmer vun hör Huus (1945)

Alva Myrdal vör dat Huus vun hör Familie in Stockholm (1945)

Alva Myrdal 1970 bi de Verleehn vun den Freedenspries vun den Düütschen Bookhannel

Myrdal stamm ut en Öllernhuus mit stark Sympathien för de sozialdemokraatsche Politik. Glieks nah dat Abitur hett se sück an de Universität Stockholm för de Facken Philosophie, Psychologie un Sozialwetenschapen inschreven. Disse Facken hett se ok in Uppsala, London, Leipzig un Genf studeert.

1924 hett se den Wertschaps- un Sozialwetenschapler Gunnar Myrdal heiraadt. Mit hüm kreeg se een Söhn un twee Döchter: den lateren Schriever Jan Myrdal, de in Amerika levend Ethik-Perfessersche Sissela Bok un de Sozialwetenschaplerin Kaj Fölster.

In den Johren 1936 bit 1948 hett se dat vun hör grünnd Sozialpädagogische Seminar in Stockholm leit. To disse Tiet weer se all wiet över des Landsgrenzen as Sozialreformerin bekannt wurrn. Eenige vun hör Ideen wurrn vun de Sweedsch Arbeiterpartei umsett, de se un hör Mann af 1932 anhörrn deen.

Tüüschen 1945 un 1947 geev Myrdal dat mehrspraakige Flüchtlingsmagazin Via Suecia herut, un in de Johren 1946 bit 1948 weer se de Herutgeverin vun de Tietschrift Round table on social problems. Se hett sück in mehreren Spraaken ünnerhollen kunnz, aber hör Böker un Reden wurrn all up Engelsch herutbrocht.

Nah Kriegsenn’n weer Myrdal maatgevend an de Gestaltung vun den sweedschen Wohlfahrtstaat bedeeligt. Sehett hör Land ok bi internatschonalen Konferenzen vertreden: ILO-Konferenz 1945 in Paris un 1947 in Genf, UNESCO-Konferenz 1946 in Paris un 1956 in Neu-Delhi u. a.

Van 1951 bit 1955 weer Myrdal leitende Angestellte vun de UNESCO un wurr 1956 as Botschopperin nah Indien un Ceylon entsandt. 1961 wurr se in dat sweedsch Butenministerium beropen un af 1962 as Afordnete in dat sweedsch Parlament wählt.

Alva Myrdal is an‘ 1. Februar 1986 in Stockholm in dat Öller vun 84 Johren storven.

=Wark =

Mit hör Mann Gunnar schreev Alva Myrdal dat Book Die Krise in der Bevölkerungsfrage (sweedsch: Kris i befolkningsfrågan, 1934), dör dat de dormalige sweedsch Minister für Soziale Upgaven, Gustav Möller, anregt wurr, de Sozialhülp för Familien intoführen.

Utteknungen

• 1970 Freedenspries vun den düütschen Bookhannel gemeensam mit hör Mann Gunnar Myrdal
• 1980 Albert-Einstein-Freedenspries
• 1982 Freedensnobelpries gemeensam mit Alfonso García Robles
• 1982 Upnahm in de American Philosophical Society

Böker (Utwahl)

• Crisis in the Population Problem (1934)
• The Game of Disarmament (1976)
• The missing Father (1936)
• Nation and Family (1941)
• Post War Planning (1976)
• Women’s Two Roles (1956) mit Viola Klein [„Drei-Phasen-Modell“ to de Verenbarkeit vun Berop un Familie]

Literatur

• Heike Brandt: Und Aufgeben ist des Menschen nicht würdig. In: Charlotte Kerner: Nicht nur Madame Curie – Frauen, die den Nobelpreis bekamen. Beltz Verlag, Weinheim / Basel 1999, ISBN 3-407-80862-3.
• Yvonne Hirdman: Alva Myrdal. The Passionate Mind. Indiana University Press, Bloomington 2008, ISBN 978-0-253-35132-6.
• Thomas Etzemüller: „Die Romantik der Rationalität“. Alva & Gunnar Myrdal – Social Engineering in Schweden. Transcript Verlag, Bielefeld 2010, ISBN 978-3-8376-1270-7.
• Jane C. Ollenburger: Alva Myrdal, in: Mary Jo Deegan (Hrsg.): Women in sociology : a bio-bibliographical sourcebook. New York : Greenwood Press, 1991, S. 306–312

Weblinks

Alva Myrdal. Mehr Biller, Videos oder Audiodateien to’t Thema gifft dat bi Wikimedia Commons.

• DNB Katalog
• Alva Myrdal up de Sieden vun den Nobelpries
• Hiltrud Schroeder: Indrag bi FemBio 2001.
• Biografie Alvar Myrdal. In: 50 Klassiker der Soziologie. Universität Graz, 31. Oktober 2003; afropen an’n 30. Oktober 2020.