Taylor Lautner

Taylor Lautner (* 11. Februar 1991 in Grand Rapids, Michigan) is en US-amerikaanschen Filmschauspeler un Synchroonsnacker.

Taylor Lautner, 2012

Leven un Wark

Lautner is de Söhn vun de Ehlüüd Deborah un Dan Lautner. He un sien jüngere Süster Makena hebbt franzöösche, nedderlännsche, düütsche un indiaansche Vörfohren.

In’t Öller vun söss Johren hett Lautner anfungen, Karateünnerricht to nehmen. He hett an mehrere Turneren deelnahmen un ok wunnen un harr dorna de Mööglichkeit mit den Kampsportler Michael Chaturantabut (Mike Chat) to öven, de ok Schauspeler is. Mit acht Johren dröff he sien Land bi en internatschonalen Karate-Wettstriet, de WKA-Weltmeesterschoppen in Louisville, vertreden, woneem he dree Goldmedaillen wunnen hett.

In’t Öller vun teihn Johren, is he mit sien Familie na Los Angeles ümtogen un hett wieter an Karate-Turneren deelnahmen. Sien Schauspeelloopbahn güng 2001 mit den Film Shadow Fury los. Bekannt worrn is he ünner annern dör Filmen as Cheaper by the Dozen 2. 2006 harr he en Rull in The Adventures of Sharkboy and Lavagirl in 3-D, för de he en Nomineeren för den Young Artist Award kregen hett. Vun 2008 an harr he en Rull in de Twilight-Filmreeg.

Filmrullen (Utwahl)

Johr	Titel	Synchroonsnacker
2001	Shadow Fury
2005	The Adventures of Sharkboy and Lavagirl 3-D dt.: Die Abenteuer von Sharkboy und Lavagirl in 3-D	David Hellwig
2005	Cheaper by the Dozen 2 dt.: Im Dutzend billiger 2 – Zwei Väter drehen durch!	David Hellwig
2008	Twilight dt.: Twilight – Bis(s) zum Morgengrauen	Max Felder
2009	The Twilight Saga: New Moon dt.: New Moon – Bis(s) zur Mittagsstunde	Max Felder
2010	The Twilight Saga: Eclipse dt.: Eclipse – Bis(s) zum Abendrot	Max Felder
2011	Abduction dt.: Atemlos – Gefährliche Wahrheit	Max Felder
2011	The Twilight Saga: Breaking Dawn – Part 1 dt.: Breaking Dawn – Bis(s) zum Ende der Nacht: Teil 1	Max Felder
2012	The Twilight Saga: Breaking Dawn – Part 1 dt.: Breaking Dawn – Bis(s) zum Ende der Nacht: Teil 2	Max Felder
2015	Tracers	Max Felder
2014-16	Cuckoo, Feernsehreeg	Max Felder
2016	Run the Tide
2016	Scream Queens, Feernsehreeg	Ricardo Richter

Utteken

Lautner is bit hüüt (Stand November 2012) 33 mol för Filmpriesen – vör allen Teenagerpriesen – vörslahn wesen un hett 13 dorvun wunnen, dorünner:

• 2009: den Teen Choice Award in de Kategorie Nee Gesicht – Mannslüüd för Twilight
• 2010: den Teen Choice Award in de Kategorie Choice Hottie – Mannslüüd
• 2010: den Teen Choice Award in de Kategorie Speelfilm-Dorsteller – Fantasy för The Twilight Saga: Eclipse
• 2010: den Blimp Award in de Kategorie Leefst Speelfilm-Dorsteller för The Twilight Saga: New Moon
• 2011: den People’s Choice Award in de Kategorie Best Kru op’n Bildschirm för The Twilight Saga: Eclipse
• 2012: den Teen Choice Award in de Kategorie Speelfilm-Dorsteller – Action för Abduction

Literatur

• Amy Carpenter: Taylor Lautner – die Biografie. arsEdition, München 2010, ISBN 978-3-7607-6408-5
• Robert Pattinson, Kristen Stewart, Taylor Lautner – The Interviews 2008 - 2011 [Kindle Edition] (Rgv.: The Interview People). ASIN: B0068QD1M4, November 2011.

Weblenken

Taylor Lautner. Mehr Biller, Videos oder Audiodateien to’t Thema gifft dat bi Wikimedia Commons.

• Taylor Lautner in de Internet Movie Database (engelsch)
• Biografie op film-zeit.de