Gallien

Gallien, dat is een Begreep ut de Römertied. Dat weer dor, wo de Galliers (Kelten) weern, dat is hüüt Frankriek, Belgien un dat westliche Düütschland is. Un ook de nördliche Deel vun Italien wöör Gallien naamt. De Römers hebbt dat toeerst so ankeken:

• Gallia cisalpina, dat weer op de italiensche Sied vun de Alpen. Dat heet, rund üm den Po.
• Gallia transalpina, dat weer allens, wat - vun de Römers ut keeken - op de anner Sied vun de Alpen weer.

Gajus Julius Caesar weer dat denn, de sick heel Gallien för de Römers ünnern Naagel reeten harr. Heel Gallien? Na, wenn een Asterix lesen deit, denn nich. Obers in Wohrheet denn doch.