Ae ba nösi

Kepulauan Riau

Moroi ba Wikipedia
Kepulauan Riau
Provinsi di Indonesia
Transkripsi bahasa Melayu
 • Arab Jawiكڤولاوان رياو
Dari atas ke bawah, kiri ke kanan; Jembatan Barelang, Pantai Trikora Bintan, Silat pengantin Lingga, Terminal Ferry Sekupang, Bandara Hang Nadim, dan Nongsa
Bendera Kepulauan Riau
Bendera
Lambang resmi Kepulauan Riau
Lambang
Motto: 
Berpancang amanah, bersauh marwah
Templat:Ms icon Menjaga dan mempertahankan adat istiadat berlandaskan syara' guna menata masa depan yang lebih baik menuju cita-cita luhur untuk mencerdaskan dan menyejahterakan masyarakat
Peta
Peta
Negara Indonesia
Ibu kotaKota Tanjungpinang
Kota besar lainnyaKota Batam
Jumlah satuan pemerintahan
List
  • Kabupaten: 5
  • Kota: 2
  • Kecamatan: 52
  • Kelurahan: 299
  • Desa: 176
Famatörö
 • GubernurAnsar Ahmad
 • Wakil GubernurMarlin Agustina
 • Sekretaris DaerahAdi Prihantara[1]
 • Ketua DPRDJumaga Nadeak
Fa'ebolo
 • Total8.201,72 km2 (3,200 sq mi)
Sowanua
 (31 Desember 2023)[2]
 • Total2.178.610
 • Fa'afasösö270/km2 (690/sq mi)
Demografi
 • Agama
  • 78,41% Islam
  • 6,79% Buddha
  • 0,15% Konghucu
  • 0,04% Hindu
  • 0,02% Kepercayaan [2]
 • Bahasa
List
 • IPMIncrease 79,08 (2023)
tinggi[3]
Zona ginötöUTC+07:00 (WIB)
Kode pos
29xxx – 29xxx
Kode area telepon
List
  • +62 770 — Batam Industrial Zone (Mukakuning)
  • +62 771 — Kota Tanjungpinang dan Kabupaten Bintan
  • +62 772 — Tarempa (Kabupaten Kepulauan Anambas)
  • +62 773 — Ranai (Kabupaten Natuna)
  • +62 776 — Dabosingkep (Kabupaten Lingga)
  • +62 777 — Tanjung Balai Karimun (Kabupaten Karimun)
  • +62 778 — Kota Batam
  • +62 779 — Tanjungbatu (Kabupaten Karimun)
ISO 3166 codeID - KR
Nomor TNKBBP
Dasar hukum pendirianUU No. 25 Tahun 2002
DAURp 1.206.473.650.000,00 (2020)[4]
Lagu daerah
  • "Hang Tuah"
  • "Pulau Bintan"
Rumah adatBelah Bubung
Senjata tradisional
FloraSirih
FaunaKakap merah darah
Bolokha gu'öwww.kepriprov.go.id


Kepulauan Riau ya'ia da'ö sambua mbanua soya hulo ba provinsi si so ba Indonesia. Provinsi da'a töi ibukota-nia ya'ia da'ö Kota Tanjungpinang. Provinsi andre faola ia ba negara Vietnam, Kamboja, faoma Laut Tiongkok Selatan tanö yöu Laut Natuna Utara; provinsi Kalimantan Barat ba Sarawak (Malaysia) fetaro ba gatumbukha; provinsi Kepulauan Bangka Belitung faoma Jambi tanö raya; negara Singapura, tölu negara bagian Malaysia Barat (Terengganu, Pahang, faoma Johor) ba provinsi Riau ba gaekhula.

Provinsi Kepulauan Riau andre, sambua provinsi sawena tehaogö ba zi lö ara sibai ba no sambua provinsi si so ba Indonesia. Ba ndröfi si 2020, ono wobanuasa si so ba Kepulauan Riau so ba zi 2.064.564 niha (jiwa), fa'afasösö niha khönia so ba zi 252 jiwa/km2, ba so 58% nono wobanuasania fetaro ba Kota Batam.[5] Ba hiza ba gafuriata ndröfi si 2023 ma ba mbawa si felendrua döfi si 2023, fa'ato nono wobanuasa Provinsi Kepulauan Riau andre, ikhamö ba zi 2.178.610 jiwa.[2]

Molo'ö na tefaigi ba zi sagörö danö sifao ba Kepulauan Riau so khönia lima ngawua kabupaten, ba dombua kota, 52 kecamatan faoma so khönia 299 kelurahan/desa ba hiza so ba zi 2.408 ngawua hulo sebua, ba hulo side-ide so ba zi 30% wa'oyania ba lö hadöi töi hulo andrö, ba lö niha sangiagö hulo da'ö. Fa'ebolo danö so ba zi 8.201,72 km², so ba zi 96% ulinasi, ba ha 4% detedanö.[6]

Töi

[bulö'ö | bulö’ö kode]

So tölu na lafaigi duho döi riau si no tobali töi provinsi. Si'oföna ya'ia da'ö, moroi ba ngawua wehede li Portugis, rio so eluaha idanö ma sungai.[7][8] Ba ndröfi si 1514, so sambua ginötö wa'atohare zaradadu Portugis ma ekspedisi militer Portugis sangosisi'ö uo idanö Siak ma Sungai Siak, tuho ndra saradadu andre ba wangalui sambua fa'asalaŵa ma kerajaan nifarisayoira so ba mbanua da'a, ba tenga ha da'ö duho wangosisi'öra uo nidanö andre, ya'ia da'ö ba wangalui sifao khö Sultan Mahmud Syah moroi ba Malaka soloi me no adudu mbanua Malaka kejatuhan Kesultanan Malaka.[9]

Versi sidua, wanötöi döi riau andre tehalö moroi ba ngawua wehede riahi so eluaha idanö nasi ma air laut. Ngawua wehede da'a manahö dödö wa tehalö ia moroi ba döi samösa tokoh ba Sinbad al-Bahar si so ba mbuku Seribu Satu Malam,[8] ba versi sitölu tehalö moroi ba wehede niha mbanua si so ba da'ö, lahalö moroi ba ngawua wehede rioh ma riuh, nifo'eluaha rame ma sato niha, fa'ato niha so halöŵö.[10]

Böröta döi moroi ba wehede döi mbanua sotöi Riau no'oya wabu'asa ma polemik ba gotalua budayawan Riau ba simanö göi Kepulauan Riau. Dombua wa'a faehu zöndra sifakhai ba döi mbanua andre, lamane wa töi Riau tehalö moroi ba provinsinia zamösana faoma waö-waö sifabö'ö-bö'ö.

Waö-waö ma Sejarah

[bulö'ö | bulö’ö kode]

Inötö Kesultanan Melayu

[bulö'ö | bulö’ö kode]

Ba ginötö manöi wa'amozawili Islam ba Kepulauan Riau, ya'ia da'ö ba ginötö tefasindro sambua Kesultanan Johor, Waö-waö ma Sejarah Johor andre, tebörötaigö ba ginötö wamatörö Kesultanan Malaka. Hiza fatua lö manöi wamatörö andrö, ba banua Johor faoma Riau no tobali ono mbanua moroi ba Kesultanan Malaka, ba aefa da'ö adudu Malaka andre isuwö ia Portugis ba ndröfi si 1511. Molo'ö Sulalatus Salatin,[11] ba ginötö wa'amate Sultan Malaka, Sultan Mahmud Syah moroi ba Malaka ba ndröfi 1528 ba Kampar, Alauddin Syah moroi ba Johor, ya'ia da'ö samösa moroi ba nga'ötö razo Malaka, no ibali'ö Johor andre sitobali tuho nahia wamareta ma pusat pemerintahan ba ya'ia sa'ae no oi la'ila döinia ya'ia da'ö Kesultanan Johor.

Sitobali so salahini Malaka ma pewaris Malaka, Sultan Johor ifatohu wamatörö ba wilayah Johor, Pahang, Selangor, Riau sitobali nahia kedaulatan wamatörönia. Sitobali lua-lua moroi ba perjanjian London ba ndröfi si 1824 si no tobali nahia moroi ba zi no ifatörö ia Kesultanan Johor tebagi dombua naha wangosawuyu ya'ia da'ö Inggris faoma Belanda. Bagia Belanda tobali Kesultanan Riau Lingga ba ginötö meno aefa kemerdekaan Indonesia ba tanö Malaysia, Johor aefa da'ö tobali sambua moroi ba zoya negara bagian Malaysia ba ndröfi si 1963. Ba Kepulauan Riau tobali Provinsi Riau teforudugö faoma banua si no irai lafatörö Kesultanan Siak Sri Inderapura.[12]

Inötö Kesultanan Riau-Lingga

[bulö'ö | bulö’ö kode]

Kesultanan Riau-Lingga[13] ya'ia da'ö sambua kerajaan Islam nifasindro ba Pulau Lingga. Kesultanan andre lahaogö ba ndrofi si 1824 moroi ba wa'aboto mbanua Kesultanan Johor börö wazazita nitehegö moroi ba Britania Raya faoma Hindia Belanda mazui si no oi la'ila faoma fazazita Traktat London, samasindro ya'ia da'ö Sultan Abdul Rahman Muazzam Syah. Banua Kesultanan Riau-Lingga ya'ia da'ö fetaro provinsi Kepulauan Riau. Pusat pemerintahan Kesultanan Riau-Lingga börötania tefataro ba Pulau Penyengat Kota Tanjungpinang, ba hiza aefa da'ö lafawu'a ba Pulau Lingga. Kesultanan Riau-Lingga adudu me tanggal 3 Februari 1911[14] ba tobali barö wamatörö Pemerintah Kolonial Hindia Belanda. Kesultanan da'a no tobali tuho wa'amanöi ba fozawili Bahasa Melayu Riau si no tobali li soya la'oguna'ö ba gafuriata la osara'ö tobali Bahasa Indonesia.[15]

Inötö Kolonial Hindia Belanda

[bulö'ö | bulö’ö kode]

Ba ginötö Kolonial no sambua wamatörö sifakhai ba waö-waö wa'a musindro mbanua Kepulauan Riau. Fogaoni Hawaii Van Lingga nifotöi ba hulo Penuba, fangoguna'ö kefe samösa ba Kepulauan Riau, ba tefasindro Karesidenan Riouw sitobali sambua dane-dane hewisa ia wa'afakhai moroi ba kolonial ba Kepulauan Riau. Ba ndröfi si 1922, Afdeeling Tanjung Pinang so öfa khönia onder-afdeeling ya'ia da'ö simane ba da'a tou;

  1. Onder-Afdeeling Tanjung Pinang,
  2. Onder-Afdeeling Karimun,
  3. Onder-Afdeeling Lingga, dan
  4. Onder-Afdeeling Pulau Tujuh nibagi dua ba zi dombua ressort, ya'ia da'ö ressort Kepulauan Anambas faoma ressort Kepulauan Natuna.

So göi Afdeeling Indragiri ya'ia da'ö Kuantan, Indragirische Bovenlanden faoma Indragirische Benedenlanden, ba mböröta no sambua sifao ba Kepulauan Riau, pada akhirnya, meno aefa ba ndröfi 1950, lafaogi ia ba mbanua Riau.

Inötö Kemerdekaan

[bulö'ö | bulö’ö kode]

Me no aefa kemerdekaan, Kepulauan Riau fao ia ba barö mbanua Kesultanan Siak ba danö Sumatra ofeta la haogö provinsi Riau. Ba mböröta, Kepulauan Riau andre, la'oguna'ö gefe samösa ma mata uang tersendiri nibe'era töi Uang Kepulauan Riau (KR). Ba hiza ba zi lö ara tebatogö ba la'osara'ö wangoguna'ö gefe Indonesia ya'ia da'ö rufia ma rupiah.

Meno ara sa'ae fao ia barö wamareta Riau, Kepulauan Riau osara dörö ba wangeheta ya'ia barö mbanua Riau, ba lafasindro Badan Perjuangan Pembentukan Provinsi Kepulauan Riau ni adogo-dogo'ö wanötöi BP3KR. Lala nifalua BP3KR mofozu ya'ia da'ö tefasindro provinsi Kepulauan Riau aefa ia moroi ba Riau me tanggal 24 September 2002.

Waö-waö me no aefa wamasindro provinsi

[bulö'ö | bulö’ö kode]

Kepulauan Riau andre, ya'ia da'ö provinsi sibohou pemekaran moroi ba Provinsi Riau.[16] Provinsi Kepulauan Riau tefasindro moroi ba dane-dane Undang-undang Nomor 25 tahun 2002 si no so gangolifa provinsi si-32 ba Indonesia sifao khönia ya'ia da'ö; Kota Tanjungpinang, Kota Batam, Kabupaten Bintan, Kabupaten Karimun, Kabupaten Natuna, Kabupaten Kepulauan Anambas ba Kabupaten Lingga.

Sifaola

[bulö'ö | bulö’ö kode]
Gambaradanö Administrasi Provinsi Kepulauan Riau

Provinsi Kepulauan Riau faola ia ba Laut Tiongkok Selatan fetaro tanöyöu. Ba gatumbukha, Provinsi Kepulauan Riau faola ia ba Provinsi Kalimantan Barat faoma Malaysia. Na tafaigi ia tanö raya, Provinsi Kepulauan Riau andre faola ia ba Provinsi Jambi faoma Provinsi Sumatera Selatan, ba na tafaigi moroi ba gambaradanö andre, ba Provinsi Kepulauan Riau faola sibai ia ba Provinsi Riau, Malaysia faoma Singapura.[17]

Geografi

[bulö'ö | bulö’ö kode]

Na molo'ö geografis provinsi Kepulauan Riau no faola sibai ia ba sitambai negara sahatö, ya'ia da'ö Singapura, Malaysia, faoma Vietnam hiza wa'ebola provinsi da'a so ba zi 251.810,71 km² ba no sa'ae ta'ila wa 96 persen no ifasui ia asi ba so khönia 1.350 hulo sebua faoma hulo side-ide, ba na lafaigi hewisa wa'amanöi provinsi da'a heŵa'ae provinsi sawena tehaogö ba no oroma wa'atedou moroi ba wamaretania, ba ngawalö nifasindro, ba hegöi moroi ba wa'atedou wa'ato niha mbanuania, sonönö ero inötö. Ibu kota Provinsi Kepulauan Riau andre ya'ia da'ö ba Kota Tanjungpinang.[18] Provinsi da'a, no so ia ba wetaro gofanöŵa sanörö asi irege gofanöŵa soya la'oguna'ö niha ya'ia da'ö ofanöwa nasi simane köfa, tundraya sangoguna'ö mesin ba ofanöŵa dalumbanua ma asese laŵa'ö ia köfa sihombo, no da'a gofanöŵa si so ba provinsi Kepulauan Riau andre, ba no la'ila niha wa sambua nahia sangoguna'ö ofanöŵa nasi ba ofanöŵa dalumbanua si fasösö irege no tobali tandrösa niha sato we'amöi ba hulo da'a. Na lafaigi moroi ba wa'alŵa hulo-hulo ba provinsi Kepulauan Riau andre fondrege zalaŵa ya'ia da'ö Gunung Daik si so ba hulo lingga so ba zi 1.165 mdpl moroi ba detenasi.

Bua danö ma Sumber daya alam

[bulö'ö | bulö’ö kode]

Provinsi Kepulauan Riau so khönia mbua danö ma sasese latötöi ia faoma sumber daya alam ya'ia da'ö mineral faoma energi, ba hiza oya ngawalö he nikhao nifaogö ba gangolifa A (strategis) simane minyak bumi, faoma gas alam, na nikhao tanöbö'ö ba gangolifa B (vital) bua danö simane timah, bauksit, faoma pasir besi, na angolifa C sokhönia mbua danö simane; granit, pasir, ba kuarsa.

Pemerintahan

[bulö'ö | bulö’ö kode]

Gubernur

[bulö'ö | bulö’ö kode]

Gubernur andre ya'ia zamatörö ba zi sambua provinsi, simane provinsi Kepulauan Riau. Iada'a, gubernur ma kepala daerah ba provinsi Kepulauan Riau ya'ia da'ö Ansar Ahmad, wakil gubernur Marlin Agustina. Ya'ira andre nitundreheni ma nifili niha mbanua ba Pemilihan umum Gubernur Kepulauan Riau 2020. Ansar ba no sa'ae gubernur Kepulauan Riau si-5, i'otarai me lafasindro provinsi Kepulauan Riau andre. Ansar faoma Marlin i lantik ira presiden Republik Indonesia, Joko Widodo ba Istana Negara Jakarta me 25 Februari 2021, ba ginötö wamatörö 2021-2024.[19]

No. Foto Gubernur Mulai Jabatan Akhir Jabatan Periode Ket. Foto Wakil Gubernur
5 Ansar Ahmad 25 Februari 2021 Petahana 4
2020 		[20] Marlin Agustina
Sura andre awena börö zura nasa. Moguna munönö ba mubönökhi nösinia.
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.

Umbu

  1. ↑ Naim, Yuniati Jannatun (26 April 2022). "Adi Prihantara jabat Sekda Kepri definitif". ANTARA News. Diarsipkan moroi ba versi asli baŵa 2022-05-21. Mufaigi me 26 April 2022. 
  2. ↑ 2,0 2,1 2,2 "Visualisasi Data Kependudukan - Kementerian Dalam Negeri 2023" (visual). www.dukcapil.kemendagri.go.id. Mufaigi me 20 Januari 2024. 
  3. ↑ "Indeks Pembangunan Manusia (Umur Harapan Hidup Hasil Long Form SP2020) 2021-20233". www.kepri.bps.go.id. Mufaigi me 9 Februari 2024. 
  4. ↑ "Rincian Alokasi Dana Alokasi Umum Provinsi/Kabupaten Kota Dalam APBN T.A 2020" (PDF). www.djpk.kemenkeu.go.id. (2020). Mufaigi me 24 Februari 2021. 
  5. ↑ "Provinsi Kepulauan Riau Dalam Angka 2021" (pdf). www.kepri.bps.go.id. BPS Kepulauan Riau. hlm. 7, 89. Diarsipkan moroi ba versi asli baŵa 2021-04-11. Mufaigi me 11 April 2021. 
  6. ↑ "Tentang Kepri". Pemprov Kepri. Kepri. Diarsipkan moroi ba versi asli baŵa 2022-06-29. Mufaigi me 2022-06-28. 
  7. ↑ Suwardi MS (1991). Budaya Melayu dalam perjalanannya menuju masa depan. Pekanbaru: Yayasan Penerbit MSI-Riau.
  8. ↑ 8,0 8,1 "Kondisi Sosial Budaya Provinsi Riau". Sekretariat Negara, diakses 17 Oktober 2013.
  9. ↑ Schnitger, F. M., Fürer-Haimendorf, C. ., & Tichelman, G. L. (1939). Forgotten kingdoms in Sumatra. Leiden: E. J. Brill.
  10. ↑ "Tentang Kepri". Portal Pemprov Kepri. 2002-09-24. Diarsipkan moroi ba versi asli baŵa 2022-06-29. Mufaigi me 2023-07-09. 
  11. ↑ Ahmad, A Samad (2018). Pengantar sulalatus salatin. Melaka: Academia.edu. Diarsipkan moroi ba versi asli baŵa 2022-07-02. Mufaigi me 2022-06-24. 
  12. ↑ Indonesia, Tim CNN (2021-07-23). "Sejarah Kerajaan Siak Sri Indrapura dan Peninggalannya". CNN Indonesia. Diarsipkan moroi ba versi asli baŵa 2022-09-10. Mufaigi me 2022-06-25. 
  13. ↑ Arman, Dedi (2014-06-08). "Sejarah Kesultanan Riau-Lingga Kepulauan Riau". Kebudayaan.kemendikbud.go.id. Diarsipkan moroi ba versi asli baŵa 2022-09-10. Mufaigi me 2022-06-25. 
  14. ↑ "Sejarah Kerajaan Riau-Lingga Kepulauan Riau". Kebudayaan.kemdikbud.go.id. 2014. Diarsipkan moroi ba versi asli baŵa 2022-09-10. Mufaigi me 2022-06-24. 
  15. ↑ Panama, Nikolas. Astro, Masuki M., ed. "Menelusuri sejarah Bahasa Indonesia (tulisan II dari II)". ANTARA News. Diarsipkan moroi ba versi asli baŵa 2022-09-10. Mufaigi me 2022-06-24. 
  16. ↑ Harto, Zulkifli (2012). Siam, Nurbaiti Usman, ed. Batam: Eksistensi Kawasan Perbatasan (PDF). Balai Pelestarian Sejarah dan Nilai Tradisional Tanjungpinang. hlm. 18. ISBN 978-979-1281-43-0. 
  17. ↑ Nurmandi, A., Putra, T. A., dan Panama, N. (2012). Menjaga Indonesia dari Kepri: Peluang, Tantangan, & Proil 19 Pulau Terdepan Indonesia di Kepulauan Riau (PDF). Tanjungpinang: Badan Pengelola Perbatasan Provinsi Kepri. hlm. 21. 
  18. ↑ Malik, Abdul (2013). "Sepuluh Bukti Bahasa Melayu Kepulauan Riau Sebagai Asal-muasal Bahasa Indonesia". Bakha Malik, Abdul. Mewujudkan Prasasti Bahasa Melayu Kepulauan Riau Sebagai Asal-muasal Bahasa Indonesia (PDF). Dinas Kebudayaan Provinsi Kepulauan Riau. hlm. 117. ISBN 978-602-9137-46-0. Arsip moroi versi asli (PDF) irugi 2023-09-19. Mufaigi me 2024-07-07. 
  19. ↑ "Presiden Lantik Ansar-Marlin Sebagai Gubernur dan Wakil Gubernur Kepri Periode 2021-2024". kumparan.com. 25 Februari 2021. Diarsipkan moroi ba versi asli baŵa 2022-02-18. Mufaigi me 18 Februari 2022. 
  20. ↑ "Ansar-Marlin Ditetapkan sebagai Gubernur dan Wakil Gubernur Kepri Terpilih". kumparan (ba li Indonesia). Diarsipkan moroi ba versi asli baŵa 2022-03-08. Mufaigi me 18 Februari 2022. 
Tehalö moroi ba "https://nia.wikipedia.org/w/index.php?title=Kepulauan_Riau&oldid=23803"