Godfrey Kneller

Godfrey Kneller (opphavleg Gottfried Kniller) (8. august 1646–19. oktober 1723) var ein tysk-britisk portrettmålar som var verksam i England. Komponisten Andreas Kneller var bror hans.

Godfrey Kneller
Sjølvportrett, 1685
Statsborgarskap	Tyskland, Kongeriket Storbritannia
Fødd	8. august 1646 Lübeck
Død	19. oktober 1723, 27. oktober 1723 (77 år) London
Yrke	kunstmålar, teiknar, gravør, miniatyrmålar
Sjanger	portrett
Far	Zacharias Kniller
Godfrey Kneller på Commons

Liv og gjerning

John Churchill, den første hertugen av Marlborough, ca. 1705

Kneller var fødd i Lübeck og vart utdanna i Nederland under leiing av Ferdinand Bol. Han var også på studiereiser, mellom anna i Italia.

Frå 1674 arbeidde Kneller som portrettmålar i England. Midt på 1680-talet var han den leiande portrettkunstnaren i landet, ein posisjon han tok over etter Peter Lely. I 1688 vart han utnemnd til hoffmålar for den komande kong Villiam, saman med John Riley som døydde tre år seinare. Resten av livet levde Kneller av å måle portrett av så å seie alle samtidige, kunstinteresserte engelske stormenn.

Kneller dreiv ein verkstad med stor produksjon, noko som gjer at ein del av måleria hans er lite originale. I sine beste arbeid viste han derimot stor vitalitet.

Han vart teken opp i adelsstanden i 1715.

Kneller døydde av feber i London i 1723.

Kjelder

• Aschehougs kunsthistorie. Bind 4 Kunstleksikon

• Denne artikkelen bygger på «Godfrey Kneller» frå Wikipedia på tysk, den 5. april 2012.

Bakgrunnsstoff

Wikimedia Commons har multimedia som gjeld: Godfrey Kneller