Marian Oprea

Marian Oprea (fødd 6. juni 1982) er ein rumensk tresteghoppar frå Pitești som vann OL-sølv i 2004 og VM-bronse i 2005, dessutan fekk han bronse i EM 2006 og sølv i EM 2010.

Marian Oprea
Statsborgarskap	Romania
Fødd	6. juni 1982 (42 år) Pitești
Idrett	friidrett
Tok del i	Sommar-OL 2008, Sommar-OL 2004, Friidrett under Sommar-OL 2016

Aktiv

Opreas store gjennombrot kom under Sommar-OL 2004 i Aten, der han med 17,55 m vann sølvmedaljen. Året etter gjorde han sitt livs beste tresteghopp då han landa på 17,81 m under eit stemne i Lausanne i Sveits den 5. juli. Vel ein månad seinare vart han tredjemann i verdsmeisterskapen i Helsinki, med eit bestehopp på 17,40 hamna han to centimeter bak sølvvinnaren og ein cm framom nummer fire i tevlinga. Oprea tok ein ny bronsemedalje ved europameisterskapen 2006 i Göteborg. Etter ein femteplass i Beijing-OL 2008, hoppa Oprea 17,51 m i EM-finalen 2010 i Barcelona og vann sølvmedaljen, klart slått av briten Phillips Idowu som presterte sitt livs lengste tresteghopp.

Medaljar og plasseringar i internasjonale meisterskap

• VM 2001 i Edmonton: Utslått i kvalifiseringa (16,62 m=nr 13)
• EM 2002 i München: Utslått i kvalifiseringa (16,47 m=nr 14)
• VM 2003 i Paris: Utslått i kvalifiseringa (16,55 m=nr 17)
• OL 2004 i Aten: Sølvmedalje – 17,55 m, bakom Christian Olsson (17,79 m)
• VM 2005 i Helsinki: Bronsemedalje – 17,40 m
• EM 2006 i Göteborg: Bronsemedalje – 17,18 m
• OL 2008 i Beijing: Nr 5 – 17,22 m
• EM 2010 i Barcelona: Sølvmedalje – 17,51 m, bakom Phillips Idowu (17,81 m)
• VM 2011 i Daegu: Utslått i kvalifiseringa (16,61 m=nr 15)
• EM 2012 i Helsinki: Utslått i kvalifiseringa (16,17 m=nr 19)
• VM 2013 i Moskva: Nr 6 – 16,82 m
• EM 2014 i Zürich: Nr 5 – 16,94 m
• VM 2015 i Beijing: Nr 6 – 17,06 m
• EM 2016 i Amsterdam: Utslått i kvalifiseringa (15,40 m=Nr 27)
• OL 2016 i Rio de Janeiro: Utan teljande hopp
• EM 2018 i Berlin: Utslått i kvalifiseringa (15,93 m=nr 21)

Kjelder

• Denne artikkelen bygger på «Marian Oprea» frå Wikipedia på engelsk, den 15. august 2019.

• «Marian Oprea» (på engelsk). Olympedia. Henta 8. mars 2023.