Glåmdalen

Sjå òg avisa Glåmdalen.

Glåmdalen er ei nyare nemning for distriktet kring elva Glåma, særleg nytta om landskapa Odalen og Solør. I vidare tyding blir namnet nytta òg om Østerdalen.

Sju kommunar i Hedmark fylke samarbeider i Glåmdal regionråd som er eit interkommunalt regionrådssamarbeid:

• Sør-Odal
• Nord-Odal
• Kongsvinger
• Eidskog (medrekna sjølv om det ikkje høyrer til Glåmas nedbørsfelt.)
• Grue
• Åsnes
• Våler

Distriktet har til saman 53 155 innbyggarar (1. juli 2009) og dekker 5 285 kvadratkilometer. Regionsenteret er byen Kongsvinger. Distriktet blir dekt av lokalavisa Glåmdalen som òg dekker Nes i Akershus. Industrinettverket 7sterke er eit samarbeid mellom føretak i området.

Andre inndelingar

Prostier under Hamar bispedømme:

• Solør, Vinger og Odal prosti (alle sju kommunane)

Tingrettar under Eidsivating lagdømme:

• Glåmdal tingrett (Sør-Odal, Nord-Odal, Kongsvinger, Eidskog og Grue)
• Sør-Østerdal tingrett (Åsnes og Våler blant andre kommunar)

Tidlegare futedøme under Hedemarkens amt:

• Vinger og Odal futedøme (Sør-Odal, Nord-Odal, Eidskog, Vinger og Austmarka sokn i Kongsvinger)
• Solør futedøme (Grue, Åsnes og Våler, Brandval sokn i Kongsvinger, )

Bakgrunnsstoff

• Glåmdal regionråd