Johann Christoph Friedrich Bach

For andre tydingar av oppslagsordet, sjå Johann Christoph Bach.

Johann Christoph Friedrich Bach
Johann Christoph Friedrich Bach
Fødd	21. juni 1732
Fødestad	Leipzig i Tyskland
Død	26. januar 1795 (62 år)
Dødsstad	Bückeberg i Tyskland
Alias	Bückeburg-Bach
Opphav	Kurfyrstedømet Sachsen
Periode	Klassisismen
Aktiv	1760-1785
Sjanger	Symfoniar, vokalmusikk, kormusikk, kammermusikk
Verka som	Komponist
Mor	Anna Magdalena Bach
Far	Johann Sebastian Bach
Gift med	Lucia Elisabeth Münchhausen
Born	Wilhelm Friedrich Ernst Bach

Johann Christoph Friedrich Bach (21. juni 1732–26. januar 1795) var ein tysk komponist, og den niande sonen til Johann Sebastian Bach. Han vert nokre gonger referert til som Bückeburg-Bach.

Han vart fødd i Leipzig og undervist i musikk av faren sin. Han studerte ved St. Thomas-skulen, og nokre meiner at han studerte jus ved universitetet der, men det finst det ikkje bevis for. I 1750 gjorde grev Wilhelm av Schaumburg-Lippe Johann Christoph til cembalist ved Bückeburg, og i 1759 til konzertmeister.

Johann Christoph skreiv klaversonatar, symfoniar, oratorium, liturgiske korsongstykke og motettar, operaer og songar. Greiv hadde ein forkjærleik for italiensk musikk, og Johann Christoph måtte tilpasse stilen sin deretter, men han heldt mange av elementa han hadde teke etter faren og broren, musikken til Carl Philipp Emanuel.

Encyclopedia Britannica frå 1911 skildrar Johann Christoph Friedrich Bach som ein dugeleg komponist, «viss verk ikkje gjer noko skam på familienamnet». Då professor Peter Schickele samanlikna den fiktive komponisten P. D. Q. Bach med dei andre sønene til Johann Sebastian, sa han at musikken til P. D. Q. hadde «obskuriteten til Johann Christoph Friedrich».

Bakgrunnsstoff

• Fritt tilgjengelege notar av Johann Christoph Friedrich Bach ved International Music Score Library Project (IMSLP)

Kjelder

• Denne artikkelen bygger på «Johann Christoph Friedrich Bach» frå Wikipedia på bokmål, den 22. juli 2010.