Overflatisk vene

Overflatiske vener i underarmen

Overflatiske vener i juret til ei mjølkeku

Overflatiske vener (vena superficialis) er vener som ligg nær kroppsyta, til skilnad frå djupe vener, som sit djupare i kroppen.

Overflatiske vener står ikkje i par med pulsårer, slik som ofte er tilfelle med djupe vener. Venene er viktige for kjøling av kroppen. Når kroppen er heit, blir blodet sendt frå dei djupe venene til dei overflatiske venene for å leggje til rette for varmetransport til omgjevnadane. Overflatiske vener er vanlegvis synlege under huda, og dei som ligg nedanfor hjartet plar å bule ut. Vener blir meir framståande etter vektlyfting, særleg etter ein periode med styrketrening.

Overflatiske vener er ikkje like viktige som djupe vener fordi dei frakter mykje mindre blod. Dei blir stundom fjerna gjennom eit inngrep kalla stripping, som del av behandling av åreknutar.

Overflatiske vener

Hovud og hals

• Vena jugularis externa

Overekstremiteten

• Vena cephalica
• Vena mediana cubiti
• Vena basilica

Underekstremiteten

• Vena saphena parva
• Vena saphena magna

Sjå òg

• djup vene
• åreknute

Kjelder

• Denne artikkelen bygger på «Superficial vein» frå Wikipedia på engelsk, den 24. november 2016.