Lescar

Vila d'Occitània

Lescar (en francés tanplan com en occitan) qu'ei ua comuna bearnesa administrada peu departament deus Pirenèus Atlantics e la region de Navèra Aquitània, ancianament d'Aquitània.

Lescar Lescar
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Lescar sus la soa sèrra
Geografia fisica
Coordenadas	43° 20′ 01″ N, 0° 26′ 05″ O
Superfícia	26,50 km²
Altituds  · Maximala  · Mejana  · Minimala	203 m 179 m 142 m
Geografia politica
País	Bearn
Estat	França
Region 75	Navèra Aquitània
Departament 64	Pirenèus Atlantics
Arrondiment 643	Pau
Canton 6419	Lescar, Gave e Tèrras deu Pont Long, Lescar (caplòc) abans 2015
Intercom 246401723	CA de Pau-Bearn-Pirenèus
Cònsol	Christian Laine (2014-2020)
Geografia umana
Populacion Populacion totala (2019)	9 665 ab. Evolucion de la populacion 10 084 ab.
Densitat	377,09 ab./km²
Autras informacions
Gentilici	(en francés)
Còde postal	64230
Còde INSEE	64335

Catedrala de Lescar

Lo son nom antic de Beneharnum que balhè lo son nom au país de Bearn. Iluro (uei Auloron) e Beneharnum qu'èran los dus ancians evescats de Bearn (uei devath la jurisdiccion de l'evesque de Baiona). La glèisa de Lescar qu'ei donc ua catedrau ; qu'ei lo lòc on repausan los Reis de Navarra.

Geografia

Comunas a l'entorn.

Toponimia

La prononciacion qu'ei [les'ka]. Las fòrmas ancianas que son Beneharnum/Benearnum, en latin (Itinerari d'Antonin), Civitas Benarnensium, en latin, Banarna/Benarnum (Gregòri de Tors), Lascurris en 980, Laschurris en 1128, Alescar en 1170, Laschar au sègle XIIau, Lascaa au sègle XIIIau, Lascurcensis, en latin, en 1289, Lascurrensis, en latin, en 1313, Lascar en 1394, Lesca en 1538, Lasca en 1538, Lescar (mapa de Cassini, a la fin deu sègle XVIIIau). N.B. L'identificacion de Lescar dab l'antica Beneharnum qu'ei generaument admesa, mès pas unanimament .

Segon Dauzat, Beneharnum qu'ei un nom ibèr; Lescar qu'ei un nom preceltic, a arreligar dab l'espanhòu lasca, « pèira plata », dab un sufixe prelatin -ur o lo basco -uri, « aiga » .

Segon Miquèu Grosclaude, que cau partir de la fòrma mei anciana lascur. La prumèra sillaba qu'ei a arreligar dab Lascun en Vath d'Aspa, qui vien benlhèu deu basco Lats, « arriu ». la segonda sillaba que sembla lo basco gorri, « arroi, sec ». Lo nom que seré d'origina aquitana. Lo sens globau que seré de « arriu arroi ». Mès on ei aqueth arriu arroi ? qu'ei lo medish problèma que per Rivarroi . N.B. Lo sens d'« arriu sec » qu'ei mei probable (un arriu irregular, qu'a d'aiga sonque quan plau), benlhèu per Lescourre (deu latin excurrere), citat per M. Grosclaude.

Istòria

Lescar, en purmèr, que ho un oppidum nomat Beneharnum. Au sègle III que vadó ciutat romana. Los vikings que la destrusín tota sancera en 841. Au sègle XII la ciutat modèrna de Lescar que ho tornada bastir. L'evesque de Lescar que presideish los Estats de Bearn e la catedrala (ua de las duas catedraus bearnesas dab Auloron Senta Maria) qu'acèssa lo tombèu deus Reis de Navarra de la soca deus Labrit.

Uei lo dia qu'ei ua banlega de Pau, sièti de la zòna industrau e comerciau.

Administracion

Lista deus cònsols successius

Periòde		Identitat	Etiqueta	Qualitat
març de 2008	2020	Christian Laine	PS	engenhaire en sciéncias socialas
març de 1983	2008	René Claverie	UDF-CDS puish UMP	mètge, conselhèr generau (1985 → 1998)
1976	1983	Alban Cillaire	divèrs esquèrra	professor d'educacion fisica
gèr de 1970	1976	Roger Cadet	divèrs dreta-Centre Democrata	conselhèr generau (1955 → 1979)
22 de julhet de 1933	9 de gèr de 1970 (defuntat)	Denis Touzanne	sense etiqueta	industriau
	1933
Totas las donadas non son pas encara conegudas.

Demografia

Evolucion demografica Populacion comunala actuala (2013): 9993, totala: 10510
1962	1968	1975	1982	1990	1999	2006	2007	2008
				Cercar	Cercar	9 752	9 749	9 771 10 304
2009	2010
9 794 10 322	9 981 10 517
Fonts
Base Cassini de l'EHESS (recercar) - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• En 2019 la populacion qu'èra de 9665 abitants.

Eraldica

Escut de Lescar

Educacion

Lescar qu'acessa ua escòla calandreta.

Lòcs e monuments

• La catedrau de Lescar qu'ei ua de las duas catedraus de Bearn, tombèu deus Reis de Navarra de l'Ostau de Labrit.

Mosaïca dens la catedrala qui nse dar lo nom latin de l'evescat : Episcopus Lascurensis

Véder tanben

• Comunas deus Pirenèus Atlantics

Nòtas

Patrimòni Mondial de l'UNESCO

Etapa precedenta Morlans Romavatge de Sant Jacme de Compostèla Via Tolosana Etapa seguenta La Comanda