Hitlerjugend
Lei Jovenças Hitlerianas ò Hitlerjugend èran una organizacion alemanda dau Tresen Reich destinada ai joves. Fondada en 1926, venguèt l'unica organizacion de la jovença après la presa dau poder per Adolf Hitler en 1933. A l'origina, deviá permetre la formacion ideologica e la preparacion militara deis enfants alemands. Pasmens, ambé l'acomençament e la perseguida de la Segonda Guèrra Mondiala, se transformèt pauc a pauc en còrs auxiliari dei fòrças armadas puei en resèrva de soudats per remplaçar lei pèrdas. Certanei sòcis participèron tanben ai combats, especialament durant la batalha de Berlin. Après la guèrra, l'organizacion foguèt dissòuta e plusors de sei caps foguèron condamnats dins l'encastre de la denazificacion d'Alemanha.