Lemoviç

Lo pòble lemoviç (pl. lemoviç o lemovices; en- latin: Lemovices; en grèc ancian: Λεμόβικες^a o Λεμουίκοι^b) era un antic pòble gallés originari d'Euròpa Centrala (los qui son restat en Germania, s'apelan Lemovii per far la diferéncia emb los de Gàllia). Lor nom ven de lemo « olme » e vices « qui vencen », quò vòl donc dire « vencedors emb l'olme ». L'olme fai benleu referéncia au bòsc de lors lanças^[1]. An laissat lor nom a Limòtges e a Lemosin.

Lo territòri daus Lemoviç era sus los departaments de la Nauta Vinhana (87), Cruesa (23), Corresa (19), e sus 'na partida daus departaments de Charanta (16), de Dordonha (24) e d'Indre (36).

Lor "capitala" au moment de la conquesta romana era situada sus lo vilatjon de Vilajobert, sus la comuna de Sent Deunis.

Quauquas vilas conegudas : Acitodunum (23-Aiun), Argentate (19-Argentat), Blatomagus (87-Blom), Briva Curretia (19-Briva), Cassinomagus (16-Chassanom), Carovicus (87-Chasteu Chervic), Roncomagus (87-Rancom), Excingidiacum (19-Eissandon) e Uxellum (19-Ussèl).

A Sent Gençan era benleu Durotincon (en gallés, latinizat en Durotincum), 'na aglomeracion comerçanta.

Après la conquesta romana, la capitala devendrà ''Augustoritum'' (87-Limòtges).

Nòtas

a. ^ segond Estrabon

b. ^ segond Claudi Ptolemèu

Referéncias

↑ Xavier Delamarre, Dictionnaire de la langue gauloise, Éditions Errance, Paris, 2003.

[1] Xavier Delamarre, Dictionnaire de la langue gauloise, Éditions Errance, Paris, 2003.

[1]