Ostau dau País Marselhés
L'Ostau dau País Marselhés (OPM) es una associacion culturala regida per la lèi de 1901 e creada en 2000. Seis estatuts senhalan sa volontat de metre en valor la lenga e de la cultura occitanas dins lo relarg marselhés. Es au còp afiliat a l'IEO e a la Federacion deis Ostaus de País. L'a gaireben 850 sòcis dins l'associacion e son budget annuau es d'aperaquí 40 000 èuros. Si definís pasmens l'associacion coma bèu premier marselhesa puslèu qu'occitanista stricto sensu. Lo locau associatiu s'atroba dins lo quartier dau Plan de Sant Miquèu a Marselha, 18 carriera de l'Olivier (13005).
Activitats regularas
[modificar | Modificar lo còdi]Cors de lenga
[modificar | Modificar lo còdi]L'Ostau dau País Marselhés organiza cada setmana un cors d'occitan per lei sòcis. Aquelei cors an per amira l'aprendissatge de l'occitan (provençau marselhés) mai tanben la descubèrta de sa cultura, en fent plaça a de tèxtes dau patrimòni d'òc dins l'ensems de son territòri.
Talhier de violon
[modificar | Modificar lo còdi]Talhier de violons prepausats per Christian Fromentin cada setmana. E un dimècres per mes, leis escolans fan un balèti dubert au public a locau de l'associacien.
Talhier de tamborins e cants de Sud d'Itàlia
[modificar | Modificar lo còdi]Talhiers animats cada dijòus per Maura Guerrera
Kabar
[modificar | Modificar lo còdi]Cada darrier divendres dau mes, l'Ostau prepausa a sei sòcis un Kabar Kreòl ambé d'associaciens de l'Ocean Indian.
Activitats pontualas
[modificar | Modificar lo còdi]Publicacions
[modificar | Modificar lo còdi]En 2003, l'Ostau dau País Marselhés publiquèt lei Cançons Provençalas de Victor Gelu, adaptadas a la grafia classica amb una novèla traduccion e un C.D. recampant d'artistas variats. Aquela edicion novèla foguèt denonciada per un agropament d'escriveires provençaus per escandalosa, estent sa normalizacion grafica qu'anava au còntra de la volontat de Victor Gelu que revendicava la non-coeréncia de son biais de transcriure l'occitan. l'Ostau publiquèt tanben en 2010 un recuelh de poesias mesas en musica per d'artistas occitans, e que recampa de poèmas inedits de l'autor arlatenc Rotland Pecot. En 2006, se publiquèt en cò deis Edicions Agone una Istòria Universala de Marselha, escricha per un dei fondadors de l'associacion, Alessi Dell'Umbria.
Conferéncias
[modificar | Modificar lo còdi]L'Ostau organiza de conferéncias sus de subjèctes divèrs, pas forçadament liats a la lenga e la cultura d'Òc. Entre leis intervenents, Felip Martèl, Renat Mèrle, André Gabriel, Camilha Martèl, mai tanben de cabils, tant coma de creòls presentan sa cultura.
Concèrts / Balètis
[modificar | Modificar lo còdi]L'Ostau organiza pontualament de concèrts e de balètis, que siegue en plen èr ò dins son locau.
Festival
[modificar | Modificar lo còdi]Cada annada l'Ostau participa a l'Estivada de Rodés e a la festà dau Dalfin (Uvernada) dins lei Valadas occitanas, mai tanben a d'eveniments d'un biais pus ocacionau.
Collaboracions
[modificar | Modificar lo còdi]L'Ostau collabòra dins seis activitats amb fòrça associacions, que siegan especificament liadas a la dinamica occitana o non : Massilia Chourmo, Lo Liame, la Companhiá dau Lamparò, IEO-13, CREO Provença, etc
